Balmasedako Pasino Bizidunaren egitaraua ikusgai

Argazkia: Visit Enkarterri. | Ikusi handiago | Argazki originala

Urtero lez, Balmasedako kaleak antzeztoki bihurtzen dira Aste Santuan. Bizkaiko lehen uribilduko Pasino Biziduna eskualdeko jarduera beteranoena da eta ospe handiena dauena geure mugetatik kanpo. Ezinbesteko ekitaldi artistikoa dogu, Kristoren kurutziltzaketearen errealismoari eta herritarren parte-hartze masiboari esker.

Egitaraua

- Martiak 24, Erramu Domekea.

• 8:00etatik aurrera, Pasino Bizidunaren jatorrien birsorkuntzea: 14 penitentziagile, kurutze bana bizkarrean eroanez, Campo de las Monjas kaletik urtengo dira Kolitza mendirako bidean. Helburua Balmasedako Kurutze-bide biziaren jatorria birsortzea da, XV. mendearen amaierean uribildua sarrakistu eben epidemiari aurre egiteko erregute bezela hasi zana.

- Martiak 28, Eugen Santua.

• 19:00etan, Pausoen prozesinoa: San Severino plazatik urtetean, erromatarren eta penitentzigileen (kaputxaz estalita, oinutsik eta bizkarrean kurutzeak daroezala) pausoak. Kolitza Abesbatzak eta Azkoaga musika bandeak be hartzen dabe parte.
• 21:30an, Azken Afaria (antzezpena): Eszenak: Apaizen Kontzilioa, Azken Afaria, Olibondoen Baratzeko Otoitza, Jesusen atxiloketea eta Sanedrineko apaizen aurreko epaiketea. Sarrerak hemen.

- Martiak 29, Bariku Santua.

• 9:30ean, Pilatoren aurreko epaiketea: lehenik eta behin, Judas urkatuko dabe. Gero, Jesusen epaiketea egingo dabe Pretorioan, Pontzio Pilatoren aurrean, bai eta Jesusen zigorkatzea, Barrabas askatzea eta Ecce Homo be. Halaber, lehen erorialdia, eta Maria Magdalenagaz eta Andre Maria Birjinagaz topo egitea antzeztuko ditue. Sarrerak hemen.
• 10:30ean, Kurutze-bidea: aurreko eguneko personaiekaz eta pausoekaz batera, Madalena, Ama Birjina, Veronika, Apostoluak eta goizeko antzezpeneko beste personaia batzuk desfilauko dabe. Ikusgarritasun eta dramatismo handiko eszenak dira. Jesusek azken berbak esan ondoren amaituko da.
• 19:00retan, Lurperatzearen prozesinoa: Bariku Santuko arratsaldean, aurreko eguneko personai eta Urratsez ganera, Madalena, Maria Birjina, Beronika, Apostoluak eta goizeko antzezpeneko hainbat personaia be agertuko dira.
• 21:30ean, Isiltasunaren prozesinoa: Bariku Santuan, gauez, egiten da. Oso tradizinonala izateaz gan, persona ugari batzen dau, erabateko isiltasunean.