Basabi taldeak 'Oma' diskoa plazaratuko dau

| Ikusi handiago | Argazki originala

Oma diskoan txalapartea, musika klasikoa eta elektronikea buztartzen ditugu, gure hasiera folkloriko eta klasikoenetatik aldenduz. Musikea erabilten dogu kanpoko espazioetan gizakiaren esku-hartzea irudikatzen dabenn soinu-paisaia barriak sortzeko. Diskoaren izena Euskadiko Urdaibai Biosfera Erreserbako Kortezubi udalerriko Oma haranari zor deutsagu. Gure bigarren diskoa naturearen eta egungo egoerearen interpretazio musikala da, gizakiari eta gure existentziaren iragankortasunari buruzkoa. Errealidade horren deserosotasunari aurre egiteko eta aldaketarako deia egiteko modu bat.

Basabi taldea bueltan da, 2024. urtearen hasieran eta Oma izenburuko disko barriagaz azalduko jakuz kontzertuak, errutinea eta lana buztartu ondoren: Amaitu dogu gure bigarren diskoa. Oso lan berezia da.

Taldea boskote bihurtu da proiektu honetarako (Iñigo Coto biolinistea, Marina Barredo violea, Ricardo de Lucas kontrabaxua eta Sergio Lamuedra eta Txomin Dhers txalapartariak).

2018. urtetik gabiz beharrean eta Emeki eta Kronos plazaratutako aurreko bi lanen ondoren, Oma jatorku, bailara liluragarri horren bidetik doan musika esperimentazino eder eta erakargarria. Shostakovichetik Kraftwerkerainoko erreferentziak dituan lan dotorea.

Oma diskoaren estreinaldia martiaren 9an izango da Bilboko Campos Eliseos Antzokian, Loraldia Festibaleko ekitaldien artean.

Sarrerak hemen.