Xabier Lete Bekea sortu dabe

Silvia Churruca eta Bingen Zupiria. | Ikusi handiago | Argazki originala

Bingen Zupiria Kultura eta Hizkuntza Politikako sailburuak eta Silvia Churruca BBVA Fundazinoko Erakunde Harremanetarako zuzendariak lankidetza-hitzarmena aurkeztu dabe euskerazko literatura sorkuntza sustatzeko. Horretarako Xabier Lete Beka martxan jarriko da. Lankidetza horri esker, 70.000 euro emongo deutsee idazleei, urtebetez osorik euskerazko literatura proiektuan ibili ahal izateko. Sendotze prozesuan dagozen idazleei zuzendutako urteroko bekea da beren talentu literarioaren garapena errazteko eta beren ibilbide literarioan aurrerapen argia ahalbidetzeko asmoz. Erakunde biek talentu sortzailea bultzatzeko, irakurketa sustatzeko eta euskerazko edukiak sortzeko daben konpromisoaren emaitza da proiektua.

Horren barri, BBVA Fundazinoak Bilboko San Nikolas Plazan duen egoitzean emon da. Topaketan adierazo dabenez, beka horren helburua da beka indarrean dagoan bitartean egileei anbizino handiagoko edo konplexutasun handiagoko proiektu bati ekiteko baldintzak emotea. Bingen Zupiria sailburuak eskerrak emon deutso BBVA Fundazinoari emondako laguntzinoagaz.

Bestalde, Silvia Churrucak ekimen hau BBVA Fundazinoak sorkuntza artistikoari eskaintzen detson laguntzino iraunkorraren barruan kokatu dau, bereziki pozik gagoz kultura sorkuntza errazteagaz, BBVA errotuta dagoan lurraldean.

Xabier Lete Bekea

Sendotze prozesuan dagozen idazleei zuzendutako urteroko bekea da, euskerazko jatorrizko elebarri bat sortzeko. Egile bat bere ibilbidea sendotzeko prozesuan dagoala ulertuko da gitxienez elebarri bat euskeraz argitaratu eta merkaturatu badu. Kanpoan geratzen dira autoeditatutako lanak.

Xabier Lete bekak 70.000 euro gordin jasoko ditu urtean (2024-2027 aldian). Adin nagusikoei eta lan-bizitza aktiboan dagozenei dago zuzenduta eta eskabideak aurkezteko epea gaur edegi da, apriliaren 9ra arte.

Informazino gehiago hemen.