Bilbok 'Helmuga Turistiko Adimendua' autortzea jasoko dau

| Ikusi handiago | Argazki originala

Bilboko Udalak Helmuga Turistiko Adimenduna (DTI) bereizgarria jasoko dau gaur Fitur-en. Bilbao Ekintzako zuzendari nagusiak, Javier Garcinuñok, jasoko dau autortzea, Udalaren ordezkari bezela, Madrilgo IFEMAko 10. pabilioiko Know-How & Export auditoriumean.

Helmuga Turistiko Adimenduna programea, Turismoko Estadu Idazkaritzeak (SETUR) sustatutako eta Barrikuntza eta Teknologia Turistikoak Kudeatzeko Estaduko Merkataritza Soziedadeak (SEGITTUR) kudeatutako proiektua da, eta programearen helburua da helmuga turistikoen lehiakortasuna eta bertako bizilagunen bizi-kalidadea hobetzen laguntzea, bost jarduera-eremutan eraginez, gobernantzea, barrikuntzea, teknologia, jasangarritasuna eta irisgarritasuna.

Helmuga Turistiko Adimendunaren bereizgarria DTI metodologian ezarritako eskakizunen betete-mailan % 80ko edo gehiagoko puntuazinoa lortzen daben lekuei emoten deutse. Bilbok % 83,4ko puntuazinoa lortu eban. Metodologia horrek jarduera turistikoaren zeharkakotasuna eta toki bakotxaren ezaugarri bereizgarriak kontuan hartzen dituan kudeaketa-eredu bat ezartzea sustatzen dau.

Aurten, holan definidu daiteke: Helmuga turistiko barritzaile bat, abangoardiako azpiegitura teknologikoaren ganean finkatua, lurralde turistikoaren garapen jasangarria bermatzen dauena, guztientzako irisgarria dana, bisitariaren eta ingurunearen arteko interakzinoa eta integrazinoa errazten dituana eta bisitariak helmugan dAuen esperientziaren kalidadea eta bertako bizilagunen bizi-kalidadea hobetzen dituana.

Beraz, Bilbo batu egingo da DTI ereduaren ezarpenaren arloan bikaintasuna gidatzen daben helmugen multzora, besteak beste, Bartzelona, Donostia, Gijón, Málaga, Tenerife eta Santander eta garapen turistikoaren abangoardian kokatuko da etorkizunera begirako estrategiari eutsiz.