Francisco Valencia, Diario El Co Latino-ko zuzendaria, 'Gaurkotasunarekiko Topaketak' zikloan

| Ikusi handiago | Argazki originala

Bilboko Udaleko Bidebarrieta Kulturguneak Gaurkotasunarekiko Topaketak zikloari ekingo deutso barriro, hilak 23an, martitzenean, Dani Alvarezen eta Mikel Reparazen gidaritzapean.

Hitzordua, El Rumbo de América Latina: De el Salvador a Ecuador izenburupean, 19:00etan hasiko da Bidebarrietako Liburutegiko Areto Nagusian, eta Francisco Valenciak, Diario El Co Latino egunkariko zuzendariak, hartuko dau parte.

Gaurkotasunarekin Topaketak dibulgazino-zikloa da. Bertan, zorroztasuna landuz, akademizismotik kanpo pil-pilean dagozen gaiak sakon aztertzen dira. Horretarako, gai bakotxean adituak diran personak dagoz, eta ahalik eta modu didaktiko eta arinenean eztabaidauko dabe.

Aurten, fokua Latinoamerikan eta bertan dagoan egoeran jarriko da. El Salvadorreko gorabeherak aztertuko ditue, Bukele presidenteak baketu dauen herrialdea, mara eta narkotrafikoaren kontrako gerrearen ostean. Era berean, Ekuadorrko testuinguru sozial eta politikoa aztertuko da, Gobernuaren eta talde kriminalen arteko gerran sartutako herrialdea. Horrezaz gan, Javier Mileiren hautaketea eta Lulak Brasilen dituan politikak aztertuko ditue, besteak beste.

Francisco Valencia kazetariak 1989an hasi eban bere ibilbidea Co Latinoren zuzendari bezela, baina Diario Latino, Cadena Sonora de la Radio eta ACAN-EFE egunkarietako lantaldeetan be parte hartu dau. Ganera, Brasilgo Enbaxadeak El Salvadorren emondako Kazetaritzako Brasil Saria (2000) eta Adierazpen Askatasunaren Saria (Pen American Center, New York, 1991) jaso ditu.

Bidebarrieta Kulturgunea Bidebarrietako Liburutegiaren barruan kultureari eskainitako gunea da. Helburuen artean kulturea, literaturea eta zientzia sustatzea dago. Sartzea doban izango da eta bertaratzerik ez balego streaming bidez jarraitzeko aukerea izango da hemen.