Badatoz Bertso Udalekuak

| Ikusi handiago | Argazki originala

Ondoren, garagarrilaren amaierara arte txandaz txanda batuko dira bertsozale gazteak Irañetan, Zuhatzan eta Larraulen. Danetara, 194 partaide izango dira aurten.

Bertsozale gazteenen ezinbesteko hitzordua dira Bertso Udalekuak eta aurten be edade ezbardinetako gazteentzat atondu ditu Bertsozale Elkarteak. Izen-ematea zabaldu eta egun gitxitan bete ziran leku guztiak. Euskal Herriko herrialde guztietako eta Diasporako 163 gaztetxok eta 31 hezitzailek hartuko dabe parte aurtengo Bertso Udalekuetan.

Udalekuetako parte-hartzaileen % 80 bertso-eskola bateko kideak dira eta behin Zuhatzan Bertso Udalekuak lehen aldiz probauta, ondorengo txandetan partaideen % 75 dira Bertso Udalekuetara etortza barriro hautatu dabenak.

2023ko txandak

9-18 urte bitarteko gaztetxo eta gazteak batuko dira garagarrilean zehar txanda askotan. 16-18 urteko bitarteko gazten egonaldia izango da lehenengoa: Amaiurren egingo da garagarrilaren 8tik 17ra. Hau amaitu eta hurrengo egunean ekingo jako Irañetako udalekuari eta han izango dira 12-13 urte arteko gazteak garagarrilaren 24ra arte. Garagarrilaren 24tik 28ra, barriz, 9-11 urtekoen txandea izango da eta Zuhatzan egingo dabe egonaldia. Azkenik, 14-15 urte arteko gazteak Larraulgo aterpetxean alkartuko dira, garagarrilaren 25etik 31ra.

Bertsozale Elkarteak atontzen ditu Bertso Udalekuak, Eusko Jaurlaritzako Euskera Sailaren eta Bizkaiko Foru Aldundiaren babesagaz eta Irizarren laguntzeagaz.