3.175€ Mungialdeko Elikagaien Banaketa erakundearentzat

| Ikusi handiago | Argazki originala

Mungialdeako Elikagaien Banaketari entregau deutse garagarrilaren 4an izan zan Euskal Eskola Publikoaren Jaiko janari-zerbitzuagaz lortutako irabaziak, 3.175€. Mungialdeako Gizarte-Zerbitzuen Mankomunitateak eta Gurutze Gorriak kudeatzen dabe Mungialdeako herrietako familiei elikagaien zerbitzu banaketea.

Urtero lez, Hazi Fundazioak Ehige-gaz alkarlanean, Eusko Label-eko hanburgesak eta barazkiak eskaini dabe janari-zerbitzuan. Irabaziak, beti be, irabazi asmorik bako gizarte proiektuei zuzendua dau, eta oraingoan, behar duten familiei elikagaiak banatzeaz arduratzen dan proiektu hau aukeratu dau Jaiaren-batzordeak.

Mungialdeko Elikagaien Banaketako boluntarioen esanetan, normalean erosten ez diren elikagai freskoak erosteko erabiliko dabe dirua, izan be, ohikoena elikagai ez galkorrak erostea da. Dirua, pixkanaka-pixkanaka hurrengo hilabeteetan zehar erabiliko dabe.

Gurutze Gorriko boluntarioek, Bakarne Egia Mungiako Gizarte Ekintzako zinegotziak, Mungialdeako ikastetxe publikoak eta Ehigeko ordezkariak, parte hartu dabe Txekearen entregean.