Anne Etchegoyenek 'Festa' disko barriaren aurrerapena kaleratu dau

| Ikusi handiago | Argazki originala

Anne Etchegoyenek Maria, gure ama izeneko kantua kaleratu dau, uda honetan argitaratuko dauen disko barriaren aurrerapen kantua, hain zuzen be. Abesti barri honen produkzinoan Alma Loca taldearen kolaborazinoa izan dau.

Anne Etchegoyenen ahots suabe eta indartsua Jose Jimenezen eta Isidro Echeverriaren ahotsek lagundu dabe, modu honetan fusino berezi eta distiratsu bat lortuz. Gainera, Antonio Jimenez Lachoren gitarra soinu ederrak be entzun daitekez, izan be, Anne Etchegoyenek Lacho izaten dau lagun kontzertuetan.

Holan, Etchegoyenek eta Alma Locako kideek Maria, gure ama estreinau barri dabe, uda honetan jai giroa ekarriko deuskun kantua. Abesti hau, beraz, disko barriko lehenengo kantua da, Festa izenburuko disko barrikoa, hain zuzen be. Lan barri honetan festa izango da gai nagusia eta kantu herrikoiak bersionauko ditu, gonbidadu bereziakaz, besteak beste, Niko Etxartegaz Eperra, Erramun Martikorenagaz Xalbadorren Heriotzean edota Pier-Pol Berzaitzeren Baratze bat.

Kantu barria kaleratu ondoren, Etchegoyen Alma Locagaz batera izango da Iruñeko Sanferminetan, garagarrilaren 10ean goizeko 7:15ean, entzierroa baino lehen.

Horrezaz gan, Syntoramak jakinarazo dauenez, Etchegoyenek lan berria aurkeztuko dau Sestaon zemendiaren 24ean eta Iruñeko Gayarre Antzokian abenduaren 16an.