'Errexala' taldeak finalean kantauko dau 2. finalaurrekoa irabazita

| Ikusi handiago | Argazki originala

Bastidan jokatu da Arabako Bertso Kuadrillartekoaren 2. finalaurrekoa. Lautadako Beeeeertsolariak eta Gasteizko Errexala taldeak lehiatu ziran. Epaimahaiak erabagita Errexala taldea nagusitu zan eta, beraz, Laudion jokatuko dan finalean kantauko dau.

Giro eta eta umore bikaina izan zan Bastidan jokatutako Kuadrillarteko 2. finalaurrekoan. Mokauaren ostean prest ziran talde bietako bertsolariak pelukak, soinekoak, kartelak eta bestelako zintzilikarioak soinean jantzita, mimoz atondutako saioari ekiteko.

Lautadako Beeeeeeertsolariak talderaren izenean Aitor Najera, Jon Ruiz de Pinedo, Beñat Cano, Oier Arbina eta Markel Yoller eta Gasteizko Errexala taldean Felipe Zelaieta, Ainara Balantzategi, Marta De Pedis, Kerman Lopez de Lacalle, Jokin Estepa eta Asier Otamendi bertsolariak ibili ziran kantuan.

Gai-jartzaile lanetan Oier Suarez ibili zan. Saioa hiru epailek balorau eben: Egoitz Iradier Lautadako Beeeeertsolariak taldearen ordezkaria, Juan Altuna Gasteizko Errexala taldearen taldearen izenean eta Ekaitz Elorriaga Arabako Bertsozale Elkarteko epaile gisa.

Talde bakotxaren agurra kolektiboaren ondoren, bertsolariek hainbat ariketa kolektibotan ibili behar izan eben: binaka ofizioetan, hirunaka koplan, asmakizuna hirunaka... Entzuleen gozamenerako, umorea nagusi izan zen saio osoan zehar.

Epaimahaiak erabakita Gasteizko taldea arituko da finalean. Sailkatzen den bigarren taldea da; Aramaioko Izena pentsau bida taldea 1.finalaurrekoan sailkatu zen eta hirugarren taldea martxoaren 12ko finalaurrekoan sailkatuko da, Murgiako udaletxean burutuko den saioan.

Hurrengo larunbatean, martxoak 12, jokatuko da azkeneko finalaurrekoa, Murgian. Finala 3 taldeen artean jokatuko da.

Finala, martioaren 25ean, egun osoko jaiaren inguruan izango da Laudion.