Haize-Arrosa talde sortu barriak lehenengo kantua eta bideoklipa plazaratu ditu

| Ikusi handiago | Argazki originala

Haize-Arrosa taldea Berrizen sortu da 2022. urtean. Taldearen musika koloreak askotarikoak eta pluralak dira baina ez dabil haize-orratzak marketan dauenaren arabera. Ondo hausnartutako erritmoak landu ditue, eskarmentu handiko musikariak dira (gehien bat Ene Bada taldean ibilitakoak) eta askatasuna ardatz hartuta ataratako erritmoak jorratu ditue. Folk-rock, Irish-folk-rock, pop-rock, country-rock, elektro-pop-triki, world-fusion, baladea, flamenkoa, mex, fandangoa, a capella, ambient...

Haize-arrosa taldeak Tortolaraino aurkezpen singelean 'bertaraino' dagoala dino. Onintza Enbeitak idatzitako testua argigarria da. Berrizko talde barria gogotsu dator jantzarako eta hausnarketarako. Tortolaraino abestiak bete-betean elektro-pop-trikia dakarsku, udabarria ondo pasetako konbita alaia.

Bideoa Iker Villak zuzendu dau eta Onintza Enbeita eta Ana Goitia be agertzen dira.

Haize-Arrosa dira: Eneritz Gorritxategi Lariz, Edurtzeta Ania Albizbeaskoetxea, Markos Murillo Gil, David Vallejo Cantero eta Peio Agirre Gimenez.