The Riff Truckers taldeak "Walk" kaleratu dau, "Mustang" diskoaren aurrerapena

| Ikusi handiago | Argazki originala

Mustang The Riff Truckers taldearen estudioko laugarren diskoa da, Andoaingo (Gipuzkoa) Garate estudioetan formatu analogikoan grabautako 6 abestiz osotutako lana, Martxel Arkazaroren laguntzinoari esker. Sei geldialdiko bidaia, horreetako bakotxa, gitarrista bakarlariagaz, Truckers disko barri hau errealidade bilakatzen laguntzeko borondatez lagundu daben errepideko hainbat lagunen lankidetzeagaz: Walk-en Aitor Zorrikieta Malamute (Mississippi Queen & The Wet Dogs), diskoko hasierako abestia. Estilo ugari buztartuta,  abesti azidoa eta hasieratik argi dago Truckers-ak ez dagozala estilo zehatz bati lotuak, egunerokoan entzuten daben guztia euren musikan barrubatzen ausartzen baitira.

Kay Mustang honen bigarren doinua da, Alex Garcia (The Van) gitarristeagaz. Lehenengo akordetik amerikar klasikoa jatorku burura, Bruceren ikutuak, diskoko abestirik luzeena da.

Ride Or die da hurrengoa eta Aitor Lacalle Laka (Memoria de Pez) arduratu da letargotik esnatzeaz. Abesti indartsua, rock gogorra Danko Jones estilo hutsean mezu zuzenagaz, esna zaitez, bizitza zure zain dago.

Born in the Sand ukabilkada bat da, harrizko lurrikararik bako lurrikarea; Edorta Apraizek (Tooth) gitarrea joten dau eta sano indartsua da kantua. 

Diskoa zarratzeko taldeak laukote lez joten dauen bakarra da, ezelako kolaborazino barik. Zapaldu ezin dozun energia dakar, lehertu eta askatu behar dozun puntu batera eroaten gaitu kontrola berreskuratzeko. Hori Krimena da.

Kontuak kontu, entzun hemen Walk kantua. 

The Riff Truckers, orain arte argitaratutako 4 diskoetan, bluesetik hard rockera ibilitako taldea da. 

2011. urtean Villa de Bilbao irabazteak Azkena Rock eta BBK Live lako jaialdietan joteko eta publikoagaz bat egiteko aukerea ekarri eutseni, hori baita ondoen egiten dabena. Zuzeneko ikuskizunak dira euren habitat naturala eta lehen aldiz ikusten dituana betirako maiteko dau talde bizkaitarra.