Neguko bertso barnetegia, zezeilaren 10etik 12ra Gorozikan

Bizkaiko bertsolari gazteak, barnetegiaren aurreko edizino batean (argazkia: Bizkaiko Bertsozale Alkartea) | Ikusi handiago | Argazki originala

Bizkaiko bertsolari gazteak batzen dituan neguko barnetegia Gorozikako aterpetxean egingo dabe aurten, Bizkaiko Bertsozale Alkarteak aurreratu dauenez. Zezeilaren 10etik 12ra bitarteko astegoienean da hitzordua: barikuan 17:30ean hasi eta domeka eguerdian amaitu.

DBH eta Batxilergoko maila guztietako neska-mutilek hartu leikie parte, bizkaitarrak badira. Helburu nagusietako bat da bertsolaritzeaz gozau eta ondo pasau deiela. Horrezaz gan, Bizkaiko bertso eskoletan dabizan gazteek alkar ezagutzea eta euren arteko hartu-emonak eta sarea sendotzea be badagoz asmoen artean.

Interesa dabenek urtarrilaren 30era arte egin leikie eskabidea (hemen). Izen-emote orria eta ordainketearen ziurtagiria txertatu behar dira. Prezioa 48 euro da.

Lekuak mugatuak diranez, lehentasuna nori emon erabagiteko erespideen barri emon dau Bizkaiko Bertsozale Alkarteak. Batetik, izen-emotearen hurrenkerea kontuan izango dabe, baina, bestetik, eskualdeen eta generoen orekeari be begiratuko deutse.