'Manipulazino estrategiak'. PETTI + ETXEKO UZTA + ET INCARNATUS & JUANTXO ZEBERIO

Petti musikari beratarra talde talde osoagaz batera izango da Barakaldo Antzokian, zapatuan, bere azken diskoa aurkezteko: Manipulazio estrategiak.

Diskoa Noan Chomsky pentsalariaren lanean oinarrituta dago. Gizartea manipuletako komunikabide handiek erabilten dituen estrategiak identifikau zituan eta Harkaitz Canok poema bihurtu ditu, ohiko fineziaz. Pettik, barriz, musikaz jantzi eta beste dimensino bat emon deutse eta material ukutuezin horregaz (pentsamendua, poesia, musikea) azkenaldiko disko sendo eta txalotuenetako bat osotu dabe. Hain zuzen, 2021eko Musika Sarietako irabazle nagusietako bat izan da Pettiren azken lana.

Zuzenekoetan, diskoaren dotorezia indartsu gorpuzten da, Pettiren ahots ahaltsuari eta musikari bikainei esker:  Etxeko Uzta bandea (Joseba Irazoki, Igor eta Iñigo Telletxea), Juantxo Zeberio (tekladuak) eta hari-laukote bat.

Proposamenak harrera ezin beroagoa izan dau aurkeztu ebenetik, 2020ko urriaren 4an, Guggenheim museoan. Kontzertu ugari eskaini ondoren, hurrengo hitzordu handia Barakaldon da.

Erosi sarrerak hemen.