Bilboko Jantzaldiak urtarrilaren 8an hasiko dira Kasilla Pabilioian

| Ikusi handiago | Argazki originala

Hileko lehenengo domekan, Urteberri egunean, izan ezik, kirol-ekipamendu horrek saio bat jasoko dau domekero, edadekoen artean bizimodu aktibo eta osasungarria sustatzeko.

Programearen hitzordu bakotxa orkestra ezbardin batek girotuko dau eta ohiko ordutegian egingo da, 18:00etatik 21:00etara.

Bilboko Udalak eutsi egiten deutso 2023an Bilboko edadekoen bizi-kalidadea hobetzeko pentsautako programa horren aldeko jarrereari, sozializazinoa sustatu eta bakardadeari aurre egiten lagunduko dauen bizimodu aktibo eta osasungarria bultzatuz.

Domeketako jantzaldiak

Urtarrilaren 8an, Kasillako Pabilioian, 18:00etatik 21:00etara: Galea.

Urtarrilaren 15ean: Kasillako Pabilioian, 18:00etatik 21:00etara: Pergola.

Urtarrilaren 22an, Kasillako Pabilioian, 18:00etatik 21:00etara: Jamaika.

Urtarrilaren 29an: Kasillako Pabilioian, 18:00etatik 21:00etara: Maran Hirukotea.