Olentzero eta Mari Domingiren kalejirea

Txikienentzako momenturik gogoangarriena abenduaren 23an (barikua) izango da: 18:00etan, Carlton Hoteleko balkoitik (Moyua plaza) agur egin eta gero, Olentzerok eta Mari Domingik, Bilbora urtero etorten diran personaia magiko horreek, kalejireari ekingo deutse. 

Kalean, Olentzerok egurrezko bere pottoka handiaren bridak berreskuratuko ditu. Haregaz egongo dira Mari Domingi, antzarrean, Basajaun, trizikloan eta Lamia, desfilea girotzen bere ahots ederragaz. Ez dira bakarrik egongo. Olentzeroren segizioa bidean galdu ez daiten eta uriko etxe guztietara heldu daiten, Galtzagorrien talde bitxiari kide gehiago batuko jakoz: Hiru ipurtargi erraldoi. Euren argiak izango dira gidari Olentzero eta lagunak galdu ez daitezan Arriaga Antzokirako bidean.