X. Rockein 2022

Arde Marte Ezkerraldeko pop eta elektronika bikotea, Saray Dacostak eta Sergio Juarrosek osotua; Ginger punk-rock laukote zarauztarra; eta Silitia bikote bizkaitar gaztea izango dira Rockein jaialdiaren 10. edizinoko sari nagusia irabazteko hautagaiak.

Beste hiru talde finalistak ondokoak izango dira: Erein, hasiera batean Izaro edo Olatz Salvador lako artistek eraginda 2021ean sortutako laukotea, Basauriko eta Arrigorriagako kideakaz; Kaserna, 2020an, Mr Pongo taldearen errautsetatik jaioak eta Galdakao eta Arrigorriagako kideakaz; eta Pelícanos, orain urte bi Basaurin eta Etxebarrin sortutako beste talde barri bat, Juanito Makandé, M Clan edo Fito & Fitipaldisen eraginakaz. Horreek guztiek Tokiko artistarik onenari saria irabazteko aukerea izango dabe Basaurin, Arrigorriagan, Galdakaon edo Laudion erroldautako kide bat gitxienez daben proiektuak saritzen dituana.