'Emon giltza - Emon euskerea zuen seme-alabei'

| Ikusi handiago | Argazki originala

Emon giltza – Emon euskerea zuen seme-alabei goiburuko kanpainearen helburua, euskerea belaunaldiz belaunaldi transmitiduteak dauen garrantzia nabarmentzea da. Aitatutako kanpainea Bizkaiko 10.000 familia inguruk jasoko dabe (Alkarbidek koordinauta eta Bizkaiko Foru Aldundiak babestuta). Horretarako, 0-6 urte bitarteko umeak dituen gurasoek umearen hurreko ingurunean euskerea sustatzeko aholkuak batzen dituan esku-orria jasoko dabe etxean eta euren kezka eta bildurrak uxatzeko atondutako webgunearen barri be izango dabe. Webgune honetan ikusgarri dago aurtengo bideo barria. Horrezaz gan, okozpeko-zapia, merienda-poltsa, kotxean jarteko pegatinea eta KU-KU liburuxkea emongo jake.

0 eta 6 urte bitarteko umeak dituen gurasoak izango dira Emon giltza – Emon euskerea zuen seme-alabei goiburupeko kanpaina honen hartzaileak.

Danetara, 21 udalerritako (Abanto Zierbena, Amorebieta-Etxano, Arrankudiaga-Zollo, Basauri, Bilbo, Durango, Erandio, Etxebarri, Getxo, Laukiz, Leioa, Markina-Xemein, Maruri-Jatabe, Orozko, Ortuella, Portugalete, Santurtzi, Sestao, Ugao-Miraballes, Zeberio eta Zierbena) eta 2 mankomunidadetako (Enkarterri eta Txorierri) 10.000 familia baino gehiago izango dira kanpaina honen hartzaileak. Horreek hizkuntzea geroratzeak dauen garrantziaz sentiberatzeko hainbat euskarri jasoko ditue.