'Odoletan' da Huntzaren bideoklip barria

| Ikusi handiago | Argazki originala

Alderdi estetikoan apustu sendoa egin dau Huntza taldeak bideoklip barrian, giro ilun, pisutsu eta bildurrezkoaren alde. Izenburua bera be, Odoletan, horren erakusgarri da, baita musikarien itxurea be. Berez, kantu hori igazko Ezin ezer espero diskoan (Mauka) plazaratu eban taldeak, baina orain bideo eta guzti dator.

Haritz Harreguyren estudioan grabautako lana da Odoletan, Arriguri zuzendari dala. Aitatzekoa da Nestor Urbieta argazki-zuzendariaren eta Claudia Chocarro arte-zuzendariaren lana be, bideokliparen itxura bereziari ekarpen zabala egin deutse eta.

Oraingoan odolez jantzi dira, beraz, Huntzakoak, zaleei pieza barritzaile bat eskaintzeko asmoz. Trikitixea da oinarrietako bat, betiko lez, baina gitarra indartsuek eta doinu erasokorrek bat egiten dabe bideokliparen estetika apurtzaileagaz.

Ikusi bideoklipa hemen.