“Bizkaiko Batzar Nagusiak Ezagutuz”

Dozena bat panelen bidez, Europako sistema parlamentario zaharrenetakoaren garrantzia historiko, sozial eta kulturala erakutsiko da. Ana Otadui Biteri Bizkaiko Batzar Nagusiak erakundeko buruak eta Amaia del Campo
Berasategi Barakaldoko Alkateak inaugurau dabe gaur goizean Bizkaiko parlamentuak sustatutako erakusketea. Erakusketea igaz be egon zan ikusgai Bilbon, Getxon, Portugaleten eta Durangon eta holan lurraldeko lau barrutietatik lehenengo itzulia zarratu dau.

Erakusketa ibiltariaren bigarren denporaldiko lehenengo helmugea Barakaldo izango da eta bertatik Ermura (maiatzaren 4an), Galdakaora (bagilaren 1ean) eta Bermeora (garagarrilaren 1ean) joango da. Jente gehien bizi dan Bizkaiko herrietan barrena egingo dan bidaia, XIV. mendetik Bizkaiko Batzar Nagusiak jazoera politiko
nagusien protagonista eta lekuko izatea ekarri daben gorabeherak ezagutarazoteko.