Gari & Maldanbera zuzenean barriro

| Ikusi handiago | Argazki originala

Gari esatea estiloa esatea da, botere eszenikoa, sensibilidadea nota bakotxean. Gari esatea kontzertu ederrak esatea da. Egun batez heroi sentiduten ginan kontzertu hareetan eta, Bowie-k kantetan eban legez, eten barik kalean egoteko egunak ziran, probetako, esperimentetako, harri berean topez egiteko eta barriro altzetako gogo biziko egunak.

Ziper-en rock-ean hasi, Hertzainak-en eztanda erradikal/tropikala ezagutu eta, gero, hogeita hamar urtez bakarkako ibilaldia egin dau Garik.

Gari esatea historiarako geratu diran kantu ederrak esatea be bada: Amets, Esperantzara kondenatua, Amapola, Eguzki Berritan Zaude, Zaharra Zara Bilbo. Buelta eta errebueltako garai honeetan, barriro be errepidera bueltauko dala iragarri dau Garik, lau kontzertu, hain zuzen be:

- Bagilak 3: Lazkao - Areria antzokia.

- Bagilak 7: Bilbo - Arriaga Antzokia.

- Bagilak 10: Algorta - Muxikebarri Antzokia.

- Bagilak 17: Bergara - Seminarixue.

Gariren zuzeneko lehenengoa izango da eta abentura honetan, Garik Maldanbera izango dau lagun:

Alex Alonso: bateria eta programazinoak.

Oier Aldekoa: baxua, tekladuak eta ahotsak.

Miguel Moyano: gitarra, tekladua, programazinoak eta ahotsak.

Unai Mimenza (soinu-teknikaria) eta John Luhman (argiak).

Lau kontzertuak zuzenean grabau eta material horregaz zuzeneko diskoa plazaratzea da asmoa. Ezustekorik ezean, 2022ko Durangoko Azokan argitaratuko dabe.