DJS eta Musika Produktoreen lehiaketen finalak urtarrilaren 20an izango dira

Bizkaie! 2022-01-17 12:27   Musikea

Lehiaketaren helburu nagusia da DJ gazteen eta musika-produktoreen sorkuntzei balioa emotea. Aurten 29 artistek emon dabe izena. Kontuak kontu, Bilboko Udalak atondutako lehiaketen finala urtarrilaren 20an, eguenean, egingo da, 20:00etan, Bilborocken.

Hiruarren edizio honetan 29 artista horreetatik, 3 DJ modalidadean hautatu dira eta 3 musika-produkzinoan, finalean parte hartzeko. Ondokoak dira finalean lehiatuklo diranak:

MØNET (DJen kategoria).

Gonz.ne (DJen kategoria).

Paul Larrozea (DJen kategoria).

William Blackmouth (produktoreen kategoria).

BKTS (produktoreen kategoria).

Javier Ho (produktoreen kategoria)

Ondokoak dira kategoria bakotxeko irabazlearentzako sariak:

- DJ eta produktoreentzako masterclassa, Rico Rosaren eskutik.

- Bideoklipa grabetea + argazki-saioa, Soda Timek eginda.

- Kontzertua Bilborock-en, Freskure 2022ko programazinoaren barruan.

Last Tour-egaz alkarlanean emongo diran sariak: BIME CITY-ren hurrengo aldiko jardueretako batean diskoak jartea edo jotea eta sarrera bat BIME PRO-ra sartzeko.

Finalerako sarrerea doban izango da, edukiera mugatuta egongo da eta parte-hartzaileek errespetau egin beharko ditue COVID-19aren aurreko prebentzinoko araudi sanitarioa. Maskareas derrigor erabili behar da eta publikoak jesarrita egon beharko dau.