Bonifacio Echegaray Corta (1878 - 1956)

Aurten, 65 urte beteko dira Bonifacio Echegaray euskal legelari, historialari, euskaltzale eta idazlea hil zala. Hori dala eta, Euskaltzaindiak, Zuzenbidearen Euskal Akademiak eta Sabino Arana Fundazioak mintegi bat atondu dabe alkarlanean, euskal herritar esanguratsu horren bizitzeri lotutako hainbat alderdi jorratzeko, hain zuzen be, hareetan islatzen diralako XIX. mendearen amaierako eta XX. mendearen lehen hereneko euskal kulturak, historiak eta Zuzenbideak ondutako lorpenak eta amesak eta, bide batez, gaur egungo boladearen gainean ausnartzeko modua emoten deuskuelako.