Euskerearen Etxeko Lantoki Kooperatiboa, zaharbarrituta eta erabilgarri

Bizkaie! 2021-11-11 10:13   Euskerea berbagai

Bilbon kokatutako Euskerearen Etxeak 2020. urtean ekin eutson erabarritze prozesuari, herritarrei kalidadeko zerbitzu gaurkotuak eta egoki hornidutakoak emoteko asmoz.

Bada, 2021ean, prozesu horren azken faseari ekin deutse: Lantegi Kooperatiboa edo Coworking gunearen erabarritzeari, hain zuzen be.

 Euskerearen Etxeak alkarlana sustatu gura dau lantoki kooperatiboaren bidez, baita euskerazko jardunari babesa emon be.

 Euskerearen Etxearen helburua dira euskerea sustatzea eta zabaltzea; hori dala eta, lantoki kooperatiboan lan egiteko aukerea izango dabe euskerea helburu daben erakunde, alkarte edo norbanakoek.

 Lantoki kooperatiboaren erabilerea doban da. Nork erabili leike lantegi kooperatiboa?

- Euskerearen alde eta euskeraz lanean dabizen edozein erakunde, alkarte edo norbanakok.

- Euskerea bere jardunaren helburu nagusi dauen edozein erakunde, alkarte edo norbanakok. Zelan egin daiteke lantegi kooperatiboan lan egiteko eskaria?

- Eskaria bete eta honako helbidera bialdu behar da: koordinazioa@euskararenetxea.eus.

- Eskariak aurkezteko epea: 2021eko zemendiaren 11tik abenduaren 13ra.

- Euskerearen Etxean eskariak balorau eta posta elektroniko bidez helarazoko da erantzuna.

- Lantegi kooperatiboan lekua, gehienez, urte birako esleituko da. Behin epe hori pasauta, barriro egin beharko da eskaria.

- Erakunde, alkarte edo norbanako bakotxari, gehienez be, lagun birentzako lanerako lekua esleituko jako.

- Deialdiaren oinarriak hemen.

Lantoki kooperatiboak eskaintzen dauena:

- Lanerako espazioak honako baliabideak eskainiko deutsoz langileari: wifia, entxufeak, lanerako mahaia eta aulkia eta norbere lanerako tresnak gordeteko giltzapeko armairua aukeran.

- Inprimagailu-fotokopiagailua.

- Langileek Euskerearen Etxeko suetea erabilteko aukerea izango dabe.

- Lantoki kooperatiboko langileen erabilerarako hiru bilera gela dagoz.

- Euskerearen Etxeko bestelako aretoak erabilteko aukerea, aurkezpenak, formazinoak edota bilera jentetsuak egiteko.

- Euskerearen Etxeko harreran paketeak eta posta jasoteko aukerea.

Honakoa da ordutegia:

Astelehenetik barikura: 08:00 – 20:00

Zapatuetan: 10:00 – 14:00 eta 16:00 – 19:00

Domeka eta jaiegunetan zarratuta.