'Jantzaz esploratzailea' online argitalpena aurkeztu dau gaur goizean Jantzazek

Bizkaie! 2021-10-19 13:36   Kulturea

Jantzeagaz lotutako 40 profesional ingururen testigantzak eta alkarrizketak batu ditue.

Ia urte biko lanaren ondoren, Jantzaz Exploradora argitaratu dabe, Euskadiko jantza garaikidearen azken 20 urteetako memoria historikoa islatzen dauen online argitalpena. Obrea narrazino poliedrikoa da, Euskal Herriko idazketearen eta sorkuntza koreografikoaren historia barriena sinatu dabenen testigantzak batzen dituana. Kudeaketa artistikoko profesionalek, teknikariek, artistek, konpainiek eta interpreteek historia koral bati ahotsa jarten deutse, azken hamarkada biotan euskal lurraldean mobimentuaren arteen unibersoaren lehen hurreraketea dana; begirada horretan bat egiten dabe kultura-politikak, gizarte-testuinguruek, sorkuntzearen eta lurraldearen arteko loturak estutzeko apustuak, publiko barrien bilaketak edo jantzari gazteen profesionalizazino-ereduaren eskakizunek.

Argitalpena lau kapitulutan egituratzen da, 2000 eta 2020 urteen artean. Adriana Pous Jantzaz-eko zuzendari artistikoaren narrazio nagusiek ibilbide lineal bat proponiduten dabe konpainiak Biarritz Balletaren eskutik emondako lehen pausuak, Jantzagunearen sorrerea, Jantzea Sensibilizetako Zentroaren sorrerea, egoitza artistikoen programen diseinua, eskola eta bitartekotza-kanpainak edo Atalak mugaz gaindiko sarea abian jartea islatzen dituan istorio baten alde. Gai horreek hainbat ekimenen garapenagaz tartekatzen dira,  Jantzategia eta Jantzabideak, konpainiaren beraren produkzinoak, nazinoartekotzearen aldeko apustua edo mundu osoko jantza-etxe eta lehiaketa koreografiko ospetsuakaz lankidetza-sareak sortzea.

Jantzaz Exploradora obran material grafiko baliotsua dago, Blanca Razquin, Janpol Dunand eta José Usozen erretratuak, hain zuzen be, baita ikus-entzunezko fondo handi bat be. Gainera, argitalpen bizia da, irakurle bakotxaren esperientziez, testigantzez eta proposamenez elikatzen jarraituko dana eta mezu elektroniko bat izango dabe eskura egileakaz berba egin eta eretxiak konpartiduteko (exploradora@dantzaz.eus). Lide Aranak, Mikel Gómez de Segurak eta Laura Etxebarriak, hiru atal zabal sinatu ditue, hiru euskal probintzietan jantza garaikideak garai historiko ezbardinetan bizi izan eban egoerearen inguruan.

Lan honi buruzko gogoetak eta testigantzak eskaintzen dituenen artean, Jantzazegaz ibilbide profesionala konpartidu daben persona asko nabarmentzen dira:, Filgi Claverie, konpainiako zuzendari nagusi ohia, Sofía Alforja, Jantzaguneko koordinatzailea eta Frantxis López de Landatxe, Gipuzkoako Foru Aldundiko Kultura Sustatzeko eta Zabaltzeko Zerbitzuko buru ohia. Hainbat urtetan konpainiaren historia lagundu daben koreografoakaz bat egiten dabe, besteak beste, Josu Mujika, Itzik Galili, Judith Argomaniz,
Asier Zabaleta eta Thierry Malandain eta Martin Harriague, Hilde Koch, Pantxika Telleria, Izaskun Lapaza, Claudia Lavista, Paolo Mohovich, Martxel Rodríguez Etxabide, Matxalen Bilbao, Wubkje Kuindersma eta Martín Inthamoussu ako sortzaileak ahaztu barik.

Laguntzaileen artean dagoz Jantzaz-eko jantzari ohiak, Madeline Harms, Rafke Van Houplines, Valentina Pedica, Ane Anza, Beñat Urrutia eta Marco de Alteriis; kultura-kudeaketako profesionalak, Jon Bagüés, Musikearen Euskal Artxiboko zuzendaria 20 urtez; Nando Piñeiro, Egia Kultur Etxeko arduraduna; Virginia Valero, Madrilgo Goi Mailako Konserbatorioko zuzendari ohia eta Marta Monfort, Gasteizko Antzokien Udal Sarearen ordezkaria; eta konpainia nazinoartekotzeko oinarrizko personak, Diane Isabelle, Quebeceko Arte eta Letren Kontseiluko kidea eta Stacz Wilheim, Korzoko (Holanda) zuzendari artistiko ohia.

2002an Euskal Herriko herriak zeharkatzen zituan espirituari eutsiz, jantzazek bide barriak aztertzen jarraitzen dau: jantzearen sektorea jorratzea, enplegurako aukerak sortzea eta jantzea txoko guztietara helarazotea, azpimarratu dau Adriana Pousek eta espero dau orrialde horreek testigantzak, bizipenak eta ekarpenak batzen jarraituko dabela, garai honetan mundu osoan zehar ospetsu izandako 120 interpretatzaileenak bezela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu