Gorpu bat topau dabe Saibigainen

Bizkaie! 2025-11-10 10:34   Kulturea

2024an Saibigainen topaketa lanak hasi ebenetik lurpean topetan daben laugarren gorpua da. Magalaren iparraldean izan da, tontorreko gurutzetik behera eginez.

Gorpua oso egoera eskasean dago eta gatxa izango da DNA probarik egitea gero identifiketako. Dana dala, gorputik oso gertu gudari errepublikazale baten identifikazino txapea topau dabe, zantzu guztien arabera gorpuari jagokona; horrek erraztu leike identifikazinoa.

1937ko irailaren 6tik 14ra bitartean burrukaldi latzak izan ziran Saibigainen. Nazinonalek iparraldeko frontearen kontrako oldarraldia Durangoko bonbardaketeagaz hasi eben 1937ko martiaren 31n. Lehenengo burrukaldiak mendilerroaren tontor estrategikoetan izan ziran, horreetako gogorrenak Saibigainen.

Berrehundik gora errepublikazale, gudari zein miliziano, hil ziran tontorra defendetako jardunean eta horreetatik 120 inguru, desagertuta dagoz oraindino. Horreek topetako ahaleginean jarraituko dabela iragarri dabe Euskal Prospekzino Taldeko kideek, lanean jarraitzeko baimena barritzen deutsen artean.

Ikusi argazki guztiak handiago