Korrontzi taldeak 5.000 euro emon ditu ataxia telangiektasia ikertzeko

Gasteizeko Principal Antzokian. Argazkia: Alberto Benito | Ikusi handiago | Argazki originala

Aitzina Folk Jaialdiaren asmo solidarioari eutsiz, Korrontzik ataxia telangiektasiaren ikerketan laguntzea erabagi eban eta, esangura horretan, Bilbon eta Gasteizen emondako kontzertuetan batutako dirua emotea erabagi dau talde bizkaitarrak. Danetara, 5.000 euro izan dira eta AEFAT, Gobernuz Kanpoko Erakundeak jasoko ditu. Keinu polita Agus Barandiaran buru dauen taldeak egindakoa, izan be, 2016an, Aitzina Folkegaz alkarlanean ibili zan Korrontzi Benefic proiektuagaz.

Gogoan hartzekoak taldearen jarrera eta ilusinoa, koronabirusaren krisiaren erruz, danok kultura-jarduerak berreskuratzeko burrukan gabizen momentuotan.