Ardao solidarioa aurkeztu dabe Vhio-n sarkomak ikertzen laguntzeko

| Ikusi handiago | Argazki originala

Bastidako Solagüen–Unión de Cosecheros upategiak merkaturatu dauen Manuel Quintano ardao solidarioa aurkeztu barri dabe. Ardao horren salmenteagaz lortzen dan diruaren zati bat sarkomak ikertzeko erabiliko da Vall d 'Hebron Onkologia Institutuan (VHIO). Zentro hori Vall d' Hebron campusaren parte da eta erreferentzia tumore mueta horreen ikerketan.

Sarkomak tumore arraroak dira, minbizi guztien % 1 inguru eta 70 mueta baino gehiago dagoz eta ondorioz sano gatxa da tumoreak izaten dituen pazienteen tratamendua.

Manuel Quintano ardao botilea 6,90 euroan merkaturatuko da eta ardao horren salmenta-prezioaren zati bat, César Serrano doktoreak Vall d 'Hebron Onkologia Institutuan (VHIO) zuzentzen dauen sarkomen ikerkuntzarako erabiliko da.