Getxon,'Neguko Bidaia', urtarrilaren 23tik zezeilaren 27ra

| Ikusi handiago | Argazki originala

Urtarrilaren 23tik zezeilaren 27ra Neguko Bidaia kontzertuen zikloaren hamahirugarren edizinoa egingo da Areetako Andres Isasi Musika Eskolan. Aurreko urteetan lez, zikloan askotariko musika-estiloak (jazza, musika klasikoa, boogie & swing, mariatxia, flamenkoa) izango dira, euskal eszenako artista eta taldeek protagonismo berezia izanik. Kontzertuak amaitzen diranean, artistek barriketaldietan parte hartuko dabe publikoagaz baina aurten osasun-krisiak eragindako edukiera murrizketak dirala eta, kontzertu bakotxaren saio bi izango dira: lehenengoa 18:15ean eta bigarrena 20:00etan. Kontzertu bakotxerako sarrerearen prezioa 5 eurokoa da.

Lehen kontzertua, zapatuan, urtarrilaren 23an, Marmara Musik jazz taldearena izango da. 2001ean, Bizkaian sortutako musikari-talde honek zenbait talde batzen ditu Jazz tradizionala, New Orleans eta Swing estiloko errepertorioan oinarrituz, edozein musika eskari edo beharrizani erantzunez: kontzertuak, kaleko animazinoak, ekitaldietarako musika-laguntzea eta abar. Getxon honakoak izango dira: Esteban Valcarcel (tronpetistea), Jon Etxeandia (klarinetea eta ahotsa), Dani Lara (tronboia eta ahotsa), Oscar Andollo (bateria), Aitor Mujika (gitarristea) eta Ander Lozano (tubea).

Hurrengo kontzertuak ondorengo honeek izango dira: urtarrilaren 30ean, Mario Lerena (piano erromantikoa); zezeilaren 6an, Botxo Boogies (Boogie & Swing); zezeilaren 13an, Los parranderos de México (mariatxia); zezeilaren 20an, Esther Crisol (flamenkoa) eta zezeilaren 27an, Cuarteto Ilustración (klasikoa, gitarrak eta hariak).

Informazino gehiago eta egitaraua hemen.