2021eko Arabako Txapelketarako kanporaketak urriaren 23an hasiko dira

Bizkaie! 2020-10-16 08:01   Bertsolaritzea

2019ko txapelketako finalistak zuzenean sailkatuta dagoz.

Txapelketara sailkatzeko 4 kanporaketa jokatuko dira urriaren 23tik aurrera, Legution, Dulantzin, Zigoitin eta Kanpezun. Hamabi bertsolari sailkatuko dira urtarrrilean hasiko dan txapelketarako.

2021eko Arabako Bertsolari Txapelketan 18 bertsolarik parte hartuko dabe, 27k izena emon dabe eta urrian jokatuko diran 4 kanporaketan 12 bertsolari sailkatuko dira.

2019ko txapelketaren sailkapenaren arabera osotu dira kanporaketetako saioak eta 2019ko txapelketan parte hartu ez eben bertsolariak sailkapenaren amaieran kokatu dira, hurrenkera alfabetikoan.

Kanporaketetan, saio bakotxeko irabazlea zuzenean sailkatuko da 2021eko txapelketarako eta ganerako bertsolariak puntuazinoaren arabera sailkatuko dira. 2019ko txapelketako 6 finalistek izena emon dabe 2021eko txapelketan parte hartzeko, beraz, 12 bertsolari sailkatuko dira. Danetara, 18 bertsolariko taldea osotuko dabe 2021eko Arabako Bertsolari Txapelketan.


Lau kanporaketa

1. kanporaketea, LEGUTIO, urriak 23, barikua, 20:00, Aitor Ugarte, Felipe Zelaieta, Jon Ruiz de Pinedo, Ander Aranburu, Xabi Lasa eta Eli Zaldua. Gai-jartzailea: Lierni Altuna.

2. kanporaketea, DULANTZI, urriak 24, zapatua, 18:30, Beñat Garaio, Unai Anda, Unai Bengoetxea, Oier Arbina, Mikel Martin eta Oihane Perea. Gai-jartzailea: Eli Plazaola.

3. kanporaketea, ZIGOITIA, urriak 25, domekea, 18:30, Andere Arriolabengoa, Manu Bendala, Martin Abarrategi, Unai Gomez, Unai Mendibil eta Peru Abarrategi. Gai-jartzailea: Oier Azkarraga.

4. kanporaketea, KANPEZU, urriak 31, zapatua, 18:30, Rikardo Gonzalez de Durana, Irati Anda, Xabi Antia, Danel Herrarte, Aitor Najera eta Aroa Arrizubieta. Gai-jartzailea: Arantxa Sobrino.


Saioak doban izango dira baina aforoa kontroletako izena emon beharko da:

Ondoko linketan edo 675707971 zenbakian. Aukeratu saioa eta bete galdetegia. 

1.kanporaketa, LEGUTIO, urriak 23, ostirala, 20:00, Kultur Etxean

2.kanporaketa, DULANTZI, urriak 24, larunbata, 18:30, Kultur Etxean

3.kanporaketa, ZIGOITIA, urriak 25, igandea, 18:30, Kultur Etxean

4.kanporaketa, KANPEZU, urriak 31, larunbata, 18:30, Kultur Etxean

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu