Gaur, urriak 6, hasiko da Bizkaiko Eskolarteko Txapelketea

| Ikusi handiago | Argazki originala

Martxan dago Bizkaiko Eskolarteko Bertsolari Txapelketea. Udaberritik udagoienera atzeratu behar izan dan arren, antzeko egitureagaz dator: alde batetik, bat-bateko txapelketea jokatuko da eta, bestetik, idatzizkoa.

Bat-bateko txapelketan, Bizkaia osoko 28 parte-hartzaile egongo dira eta horreek hiru kanporaketetan kantauko dabe: Urriaren 6an, Gernika-Lumoko Astran jokatuko da saioa, urriaren 7an, Durangoko Kurutziaga Ikastolan eta urriaren 9an, ostera, Bilboko Euskerearen etxean. Danak izango dira arratsaldeko 17:00etan.

Bat-bateko finala, barriz, urriaren 17an jokatuko da, zapatuan, Arrigorriagako Lonbo Aretoan eta saioa goizeko 11:30ean hasiko da.

Idatzizko Txapelketea aurten ez da presentziala izango: webgunean argitaratuko dira gaiak eta gazteek epostaz bialdu beharko ditue lanak. Laster argitaratuko dira datak.

Kanporaketak zein finala danon osasuna bermatzeko neurriakaz jokatuko dira.