Kursaalek Miramar Jauregiaren kudeaketea beregan hartu dau

Miramar Jauregia | Ikusi handiago | Argazki originala

Miramar Jauregi Partzuergoak Kursaal-i emon deutsoz Jauregiko giltzak eta harek beregan hartu dau hemendik aurrera Donostiako balio historiko handiko eraikin parebakoaren kudeaketea.

Miramar Jauregi Partzuergoak, Donostiako Udalaren, Gipuzkoako Foru Aldundiaren eta Eusko Jaurlaritzearen partaidetzea dauen sektore publikoko erakundeak, bagilean barritu eban eraikina 20 urtez erabilteko emakidea. Eta oraintsu sinatu da Partzuergoaren eta Kursaal Alkargunearen arteko lankidetza-hitzarmena. Horren bidez, Kursaalak beregan hartu dau Jauregiaren kudeaketea, kultura- jarduerak egiteko eta Donostiaren eta Gipuzkoaren nahiz Euskal Autonomia Erkidegoaren aberastasuna eta irudia indartuko daben kongresu eta bestelako ekitaldiak egiteko. Helburua da, hor sortzen dan jarduerearen bidez personak erakarri eta balio erantsia emotea inguruneari, bai arlo ekonomikoan, bai ezagutzearen arloan be.

Ekitaldian parte hartu dabe, Kultura eta Hizkuntza Politikako sailburu eta Eusko Jaurlaritzako bozeroaile eta Miramar Jauregi Partzuergoko presidenteak, Bingen Zupiriak; Gipuzkoako Foru Aldundiko Diputadu Nagusi eta Kursaal Alkarguneko presidente Markel Olanok; Donostiako Udaleko Alkate eta Kursaal Alkarguneko presidenteordeak, Eneko Goiak; eta Kursaal Alkarguneko zuzendari gerenteak, Iker Goikoetxeak.

Bingen Zupiria Kultura eta Hizkuntza Politikako sailburua eta Eusko Jaurlaritzako bozeroaileak akordioaren garrantzia azpimarratu dau: Eusko Jaurlaritzea, Gipuzkoako Foru Aldundia eta Donostiako Udala ados jarri gara Miramar Jauregiari beste bultzada bat emoteko. Hemendik aurrera, eraikin historiko honek aparteko kudeaketea izango dau; horrezaz gan, Donostiak kulturarako, ezagutzarako eta kongresu zein ekitaldiak egiteko beste gune bat irabaziko dau.


Kursaal

Kursaalen lankidetzearen oinarria kulturgintzearen eta kongresuen kudeaketan izandako esperientzia handi eta erantzun bikainekoa da, hogei urte baino gehiagoko ibilbideak bermatua. Kursaal soziedadea osotzen dauen taldearen esperientziak Miramar Jauregiak jarduera handiagoa hartu deian lagunduko dabe. Era berean, danon baliabide espezializatuak konpartidutearen eta merkataritza-prozesuak apliketearen ondorioz sinergiak eta efizientziak sortuko dirala aurreikusi daiteke, merkataritza-posizionamendua osogarria izan leikien eraikin bietan.

Miramar Jauregia

Miramar Jauregiak hainbat kultur eta gizarte jarduera izan ditu hainbat hamarkadatan, berbarako, EHUren Udako Ikastaroen egoitza ezaguna da, baita Eusko Ikaskuntza edo Jakiunderena be eta Musikeneren kokalekua izan zan 2016ra arte. Euskal Herriko Goi-Mailako Musika Ikastegia Ibaetako eraikin barrira joan ondoren, lurraldea aberastuko dauen interes handiko jardueral jorratzeko aukera bat sortu da.

Iker Goikoetxea Kursaaleko zuzendari kudeatzaileak Miramar Jauregiaren balio historiko handia eta uriko kokapen ezin hobeo nabarmendu; horrek ahalmen handia emoten deutso, motor bihurtuko da eta espazio hori beregan hartzeak aukera zoragarria dakartso Donostiari, Gipuzkoari eta Euskadiren helmugeari kongresu eta konbentzinoen eremu dogun kokapena indartzeko.


Kursaal Jauregia

Kursaalen lankidetzearen oinarria kulturgintzearen eta kongresuen kudeaketan izandako esperientzia handi eta erantzun bikainekoa da, hogei urte baino gehiagoko ibilbideak bermatua. Kursaal soziedadea osotzen dauen taldearen esperientziak Miramar Jauregiak jarduera handiagoa hartu deian lagunduko dabe. Era berean, danon baliabide espezializatuak konpartidutearen eta merkataritza-prozesuak apliketearen ondorioz sinergiak eta efizientziak sortuko dirala aurreikusi daiteke, merkataritza-posizionamendua osogarria izan leikien eraikin bietan.

Miramar Jauregia

Jauregiak hainbat kultur eta gizarte jarduera izan ditu hainbat hamarkadatan, berbarako, EHUren Udako Ikastaroen egoitza ezaguna da, baita Eusko Ikaskuntza edo Jakiunderena be eta Musikeneren kokalekua izan zan 2016ra arte. Euskal Herriko Goi-Mailako Musika Ikastegia Ibaetako eraikin barrira joan ondoren, lurraldea aberastuko dauen interes handiko jardueral jorratzeko aukera bat sortu da.

Iker Goikoetxea Kursaaleko zuzendari kudeatzaileak Miramar Jauregiaren balio historiko handia eta uriko kokapen ezin hobeo nabarmendu dau; horrek ahalmen handia emoten deutso, motor bihurtuko da eta espazio hori beregan hartzeak aukera zoragarria dakartso Donostiari, Gipuzkoari eta Euskadiren helmugeari kongresu eta konbentzinoen eremu dogun kokapena indartzeko.