'Erdi lesakarrak' taldeak irabazi dau Bortzirietako 21. Taldekako Bertso Txapelketea

Joanes Illarregi, Manolo Arozena eta Oihana Iguaran. | Ikusi handiago | Argazki originala

Oraintsu izan da Bortzirietako 21. Taldekako Bertso Txapelketea; Berako Xuga ostatuko buruz buruko lehen kanporaketan 27 bertsolari izan ziran eta hamezortzi onenakaz, puntuazinoaren araberako sei hirukote osotu zituen.

Katakuko lehen kanporaketan hiru hirukote ibili ziran: Erdi lesakarrak (Oihana Iguaran, Manolo Arozena eta Joanes Illarregi), Haritz Kontent (Erika Lagoma, Aritz Mujika eta Xabat Illarregi) eta 3B-Belaunaldi (Jon Gurrutxaga, Amaiur Goñi eta Bittor Elizagoien). Finalera zuzenean pasau ziran Erdi Lesakarrak taldekoak.

Lesakako Haizeguan jokatutako bigarren finalaurrekoan, Tarrina ta bixkotxo (Maddi Ane Txoperena, Eneko Lazkoz eta Beñat Iguaran), Eztakigu ze izen paratu (Eneko Fernandez, Saioa Alkaiza eta Adur Gorostidi) eta Forasteruk (Xabi Igoa, Julen Zelaieta eta Ane Zuazubiskar) taldeek kantau eben. Hemen, Tarrina ta bixkotxo taldeak irabazi eban finalerako zuzeneko txartela.

Puntuazinoaren arabera, Haritz kontent izan zan finalerako sailkatutako hirugarren hirukotea. Finalean, barriz, Erdi lesakarrak taldea nagusitu zan, Tarrina ta bixkotxo eta Haritz kontent taldeen aurretik. Saioa Mitxelena, Lide Igoa, Joseba Beltza eta Izaro Mitxelena izan ziran epaile.

Amaiur Goñi Elortza beratarrak, parte hartu eban bertsolari gazteenak, 13 urtegaz, eskuratu eban bertso onenari emondako Kotto Saria, Xugan puntuari emondako erantzun batean. Bertsolariak ez eze, gai-emoileak, epaileak eta musikariak be Bortzirietako Bertso Eskoleak jarri zituan (30 bat laguntzaile), eta inoiz baino giro ederragoa izan zan bai Arranoko afarian, 70 lagun baino gehiago batu ziralarik, finalean baita kanporaketak jokatu ziran ostatuetan be.

Giro ederrean eta mamitsu joan da Nafarroako bertso munduko emakumeen lehen topaketea

Lesakan izan zan topaketea eta edade eta herri ezbardinetako hogei emakume inguru batu ziren bertan, bertsolariak, gai-jartzaileak, epaileak eta Bertso Eskoletako ikasleak, besteak beste. Gogoetak, sensazinoak eta esperientziak konpartidutea zan helburua, egungo egoerearen diagnostiko legez.