'Irlandar bat eta euskaldun, zelan da posible?'. BARRY MANLEY

Santutxuko Udaltegiak umorezko bakarrizketa egitaraua jasoko dau bihartik aurrera. Euskeraz eta gaztelaniaz egingo diran saioak abenduaren 3, 10, 12, 17 eta 19an izango dira, arratsaldeko 19:00etatik aurrera, sarrera libreagaz, leku guztiak bete arte.

Egitaraua abenduaren 3an hasiko da Euskerearen Nazinoarteko Egunagaz bat etorriz: Lehengo Barry Manley umoregile irlandarraren eskutik etorriko da, Euskal Herrian integretako eta bertara moldatzeko bere esperientzia personalean oinarrituta eta anekdotaz beteta eta umorez ganezka dagoan Irlandar bat eta euskaldun, zelan da posible? ikuskizunagaz.

Informazino gehiago hemen.