Zahar-alive eta Koipelustre's hurrengo fasean izango dira

Bizkaie! 2019-03-20 08:57   Bertsolaritzea

Errigoitin eta Gernika-Lumon jokatu dira Bizkaiko Taldekakoaren kanporaketak.

Gernika-Lumoko kanporaketako parte-hartzaileak (argazkiak: Bizkaiko Bertsozale Alkartea) | Ikusi handiago | Argazki originala

Busturialdera heldu da astegoienean Bizkaiko Taldekako Bertsolari Txapelketea: Errigoitin jokatu zan saioa barikuan, eta Gernika-Lumon domekan. Zahar-alive eta Koipelustre's izan dira irabazleak, hurranez hurran. Hortaz, horreek biak hurrengo kanporaketan ikusiko doguz.

Errigoitin, Arrigorriagako Estropozu eta Lekeitioko Poto taldeek kantau eben, Busturialdeko Zahar-alivegaz batera. Ohiko moduan, giro umoretsu eta informalean kantau zituen bertsoak, beste txapelketetan ikusten ez diran ariketa ugarigaz.

Errigoitiko saioa

Domekan, Gernika-Lumon, Busturialdeko talde bik kantau eben: Itsosupetekuek eta Punta Batekoak. Irabazi, baina, kanpotik etorren taldeak egin eban, Abadiñoko Koipelustre'sek hain zuzen. Kasu horretan be, umorea izan zan nagusi. Taldekako txapelketearen ezaugarrietako bat da saioak leku bakarrean ez egitea, eta kasu honetan be, Gernika-Lumoko hainbat taberna eta gunetan ibili ziran bertsolariak.

Kanporaketen fasean, saio bi baino ez dira geratzen jokatzeko. Lehenengoa barikuan, hilak 22, egingo dabe, Markina-Xemeinen. Itallen, Akerbeltzen antxumak eta Dolu gabe izango dira parte-hartzaileak. Bestetik, zapatuan, Igorrera helduko da txapelketea. Otsoa & Co., Aramotzetik Itxinera eta Miotako bidelapurrak izango dira lehian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu