Euskerea lan-munduan sustatzeko inoizko baldintzarik onenak dagoz egun

| Ikusi handiago | Argazki originala

Arantxa Tapia Ekonomiaren Garapenaren eta Azpiegituretako sailburuak eta Bingen Zupiria Kultura eta Hizkuntza Politikako sailburuak Eremu Sozioekonomikoaren Euskerearen Plan Estrategikoa lantzeko hirugarren jardunaldi edegian parte hartu dabe goizean. Arabako Parke Teknologikoan izandako ekitaldian, sailburu biek nabarmendu dabe euskerea lan-munduan sustatzeak dauen garrantzia eta adierazo dabe inoizko baldintzarik onenak dagozala horretarako. Tapia sailburuak azpimarratu dau euskerea enpresearen munduan sustatzea bikaintasunagaz eta kudeaketa aurreratuagaz lotzen dala gero eta neurri handiagoan.

Jardunaldi hau Plan Estrategikoa gorpuzteko garatzen dagozan prozesu partekatuaren barruan antolatu da. Erakundeak, enpresearen munduko ordezkariak, sindikatuak, garapen agentziak, finantza erakundeak, merkataritza sektorea, konsumitzaile alkarteak, hezkuntzearen eremuko eragileak eta euskalgintzakoak lanean dabiz Plan hau lantzeko. Zupiria sailburuak adierazo dauenez, eremu sozioekonomikoan euskerea sustatzearen gainean gogoeta egin eta, horregaz batera, estrategiak planifikau nahi dira 2019tik 2023ra garatzeko: 'Konpartidutako diagnosia adostu nahi dogu, helburu estrategikoak zehaztu nahi ditugu eta, azkenik, horreek gauzatzeko ekintzak ezarriko ditugu'.

Testuinguru horretan, Arantxa Tapiak euskerearen zeharkakotasuna nabarmendu dau: Sail guztiek, nork bere arduratik, euskerea indartzeko lan egin behar dabe. Eta Ekonomiaren Garapena eta Azpiegiturak Sailetik be badago zer egin euskerearen alorrean. Euskerea lan-munduan indartzeaz bagabiz, gure Sailak badauka zer esana eta zer egina. Eta egiten gabiz. Euskerearen aldeko jarrera aktiboa daukagu eta, abian ditugun ekimenez gan, Plan Estrategikoa jorratzeko bidean lagunduko dogu, azaldu dau.

Tapia sailburuak adierazo duenez, inoizko baldintzarik onenak dagoz euskerea eremu sozioekonomikoan garatzeko: Gero eta langile gehiago dira euskeraz lan egiteko kapaz. Jokera hau are nabarmenagoa izango da datozen urteotan. Geldiezina da. Era berean, hizkuntza eskubideen inguruko kontzientzia gero eta errotuago dago, eta gizarteak gero eta neurri handiagoan aldarrikatzen dau hautatzen dauen hizkuntzan berba egiteko eskubidea. Euskereagazko atxikimendua inoizko handiena da eta hainbat enpresa eta erakundetan egindako lanak erakutsi deusku euskerea sustatzeak ekarri leikezan eragin positiboak. Gizarte-erantzukizunaren ikuspegitik, euskerea balio bat da. Ekonomiaren Garapenaren eta Azpiegituretako sailburuak esan dauenez, kudeaketa aurreratuaren ikuspegitik, genero bardintasuna edo jasangarritasuna garrantzitsuak diran legez, hizkuntzen kudeaketeak be aparteko garrantzia hartu dau. Testuinguru eleanitz batean, euskereak leku esanguratsua dauka. Euskerearen kudeaketatik ikasitakoak ekarpen handia egingo deuksu ganerako lurraldeetako erakunde edo harreman komertzialetan. Balio erantsia da, esan dau. Gizarte-erantzukizunaz be egin dau berba Tapiak, gero eta indar handiagoa hartzen dagoalako lan-munduan: Gizarte-erantzukizunaz bagabiz, ezinbestekoa da euskerea kontuan hartzea. Bikaintasunaren ikuspegitik enpresek hizkuntzen kudeaketea jagon beharra dabe bezero eta hornitzaileakaz dituen hartu-emonetan.

Azkenik, Tapia sailburuak adierazo dau lan-munduak ekarpen handia egin leikela euskerearen erabileran eta hiztunen aktibazinoa sustatzeko bidean: Orain dala zenbait hamarkada industriak gizartea erdaldundu eban moduan, orain, beste jarrera batetik abiatuta, euskerearen erabilera sustatzen lagundu leike.

Plan Estrategikoa

Kultura eta Hizkuntza Politika Saila aurten hasi da Eremu Sozioekonomikoaren Euskerearen Plan Estrategikoa lantzen, eta helburua da datorren urtearen hasieran gauzatuta izatea. Lehenik eta behin, arlo ezbardinetako erakundeakaz batera, gogoeta eta erabagien partekatzea sustatu da. Bigarrenik, EAEko eremu sozioekonomiko pribatuan hizkuntzen kudeaketearen ganeko analisia egin da. Azkenik, diagnosiaren araberako Plan Estrategikoa gauzatuko da, 2019-2023 epealdirako. Plan Estrategiko horretan honako informazino hau jasoko da:

- Helburu eta adierazle estrategikoak.

- 2019-2023ko plangintza zehaztuko da urtez urte.

- Planerako jarraipen-metodologia bat proponiduko da.

- 2019-2023ko ebaluazinoa egiteko adierazleak proponiduko dira.

Plan Estrategikoa egindakoan, honen zabalkundea egin beharko dau Kultura eta Hizkuntza Politika Sailak. Horregaz batera, urtez urteko plangintzea gauzatzeko aukerak aztertu beharko ditu. Orain arte egindako lanari erreparauta, leitekeena da erronka eta premina barriak sortzea euskerea lan-munduan sustatzeko bidean, besteak beste, lanbide-heziketeagaz eta unibersidadeagaz aliantzak sortu behar izatea, baliabide barriak eskaini behar izatea edota programa barriak garatu behar izatea.