Ziklometroak

| Ikusi handiago | Argazki originala

Zezeileko lasterketea izan zan lehenengoa, eta maiatzean egindako Mendimetroak bigarrena. Orain, Zubiak Batuz Triatloiko azken probearen txandea etorri da: irailaren 16an, Ziklometroak izan ziran Kilometroak 2018ren alde.

Urretxu-Zumarraga Ikastoleak antolatuta, Gipuzkoako 16 Ikastolaren laguntzinoa izan da Ziklometroak probea gauzatzeko. Ahal dan neurrian bidegorri sarea erabiliz, Gipuzkoari birea emon jako erreleboka. Urretxu-Zumarraga Ikastolako txirrindulariak goizean goiz abiatu dira Legazpiruntz, 07:00etan Ikastolatik. Bertan Haztegi Ikastolako lagunek hartu dabe erreleboa, eta txandan-txandan parte hartu dabe ikastola desbardinek.

Egunari arratsaldeko 19:30 inguruan emon jako amaierea. Zubizikletearen atzetik heldu dira Zumarragako Euskadi plazara azken erreleboko txirrindulariak, Beasaingo Andramendi eta Lazkaoko San Benito Ikastolakoak.

Hauxe izango da guretzat Zubiak Batuz Triatloiko azken probea: Zumarragako plazatik geltoki aldera joan gara eta, ondoren, Labeaga kaletik Lizeora heldu. Tropelean joan gara, lasai eta poliki. Ez da lehia gure helburua. Ganera, ahaleginak izan dau saria: triatloiko txartelean hirugarren zigilua ipini eta ziurtagiriak banatu dira probea amaitzean, Lizeoan.