Lea-Artibaik irabazi dau Bertsolari Gazteen BBK Saria

Bariku arratsaldean jokatu zan Bilboko Kafe Antzokian XXII. Bertsolari gazteen BBK sariketearen finala Arratiako eta Lea-Artibaiko taldeen artean. Irabazlea Lea-Artibai eskualdeko taldea izan da.

Arratiako taldean kantau dabenak: Aitor Asua Basterra, Lur Ziarrusta Intxaurtza, Jon Larrabide Fuldain, Malen Amenabar Larrañaga, Irati Astondoa Zuluaga eta Illart Gumuzio Larrazabal.

Lea-Artibai taldean, barriz, ondokoak izan dira kantuan: Aitor Ruiz Urizar, Graxi Arregi Leonardo, Naroa Loiola Lejardi, Aissa Intxausti Aburruza, Eneko Arrate Sololuze eta Nerea Ibarzabal Salegi.

Puntuazinoari jagokonez, Arratiak 396 puntu eskuratu ditu eta lea-Artibaik, barriz, 422.

Ganerako sariei jagokenez, bizkaierarik onenaren saria Malen Amenabar Larrañagarentzat izan da; eta aurtengo parte-hartzailerik gazteena Lur Ziarrusta Intxaurtza izan da.

XXII. Bertsolari Gazteen BBK sariketea martiaren 11n hasi zan Markina-Xemeinen, eta barikuan amaitu zan Bilbon jokatutako finalagaz. Tartean, hiru kanporaketa eta bi finalaurre izan dira, eta zazpi eskualdek parte hartu dute: Arratia, Biboaldea, Busturialdea, Durangaldea, Enkarterri, Ipar-Uribe eta Lea-Artibai.

Finaleko aurkezlea Bernar Mandaluniz Plaza izan da, eta epaimahaia Juanjo Respaldiza Ozaetak, Jurgi Fuentes Goikoetxeak eta Moises Enbeita Ealok osotu dabe.

Ikusi argazki guztiak handiago