Gorka Ostolaza 'Potxis'-Lea-Artibaiko txapeldun

| Ikusi handiago | Argazki originala

Pasa dan zapatuan jokatu zan Ondarroako Kafe Antzokian Lea-Artibaiko Bertsolari Txapalketea eta 100 bat lagunen aurrean, Gorka Ostolazak jantzi eban txapela laugarrenez. Sailkapen nagusian, Gorka Ostolazaren (423 puntu, buruz burukoa kontuan hartuta) ondoren, Joseba Artza (404,5 puntu, sailkatzeko baliogarriak 250,5), Xabat Galletebeitia (246), Nerea Ibarzabal (224,5), Aitor Arrizubieta (207) eta Eneko Arrate (206) sailkatu ziran.

Jon Arrizabalagak eta Rikardo Beitiak jantzi eutsen txapela Potxis-i. Ondarruko saio antolatzaile eta bertso-eragile ezaguna da Arrizabalaga. Beitia, barriz, Ondarroako Udaleko kultura arduraduna da.

Gorka Ostolaza saioko irabazlea zuzenean sailkatuko da Bizkaiko txapelketara eta ganerakoak puntuazinoaren arabera.

Hurrengo saioa

Bagilaren 2an, Uribe Kostako Bertsolari Txapelketea, Algortako (Getxo) Villamonte kultur etxean.