Durangaldeak irabazi dau Bertsolari Gazteen XX. BBK Sariketea
2012-03-26 10:32 BertsolaritzeaDurangaldea izan da irabazle Bertsolari Gazteen XX. BBK Sariketan. Bilboko Kafe Antzokian izan zan finala, bariku arrastian, Durangaldea eta Lea Artibaiko taldeen artean. Aurton, Lea Artibai taldeko Naroak jaso dau Bizkaiera egokienari saria, eta Durangaldeko Txaber Altube izan da Finalistarik Gazteena.
Durangaldea izan da irabazle Bertsolari Gazteen XX. BBK Sariketan. Bilboko Kafe Antzokian izan zan finala, bariku arrastian, Durangaldea eta Lea Artibaiko taldeen artean.
Durangaldeko taldeak sariketearen hogei edizinoetan parte hartu dau; hiru bider irabazlea izan da, eta beste hirutan bigarren lekuan geratu da. Bertsolari ezagunen harrobia izan da Durangaldeko taldea, izan be Igor Elortza, Unai Iturriaga eta MIren Amuriza bertsolariek, besteak beste, bertan kantau dabe.
Barikuko saioan, durangarren nagusitasuna argia izan zan: gaztetxuen mailan, berbarako, 17 puntuko aldea izan zan, eta 19-24 urte bitartekoetan, 22 puntukoa. Epaimahaikoen arabera, saioa goi mailakoa izan da.
Hemen, kantau eben bertsolariak, eta taldeek lortutako puntuazinoak:
DURANGALDEA | LEA ARTIBAI | |
18 urte arte | Txaber Altube
Igor Uruburu Ane Alegria |
Josune Aramendi
Naroa Loiola Elene Lejarzegi |
19-24 urte bitartean | Aitor Bizkarra
Julen Sololuze Eñaut Uruburu |
Nerea Ibarzabal
|
DURANGALDEA | LEA ARTIBAI | |
18 urte arte | 168 | 151 |
19-24 urte bitartean | 253 | 231 |
Guztira | 421 | 382 |
Bertsolari Gazteen BBK Sariketan beste sari bi emoten ditue; bata, lehiaketako saioetan bizkaiera egokiena erabili dauen bertsolarientzat, eta bestea, finalistarik gazteenarentzat. XX. sariketa honetan Lea Artibai taldeko Naroak jaso dau Bizkaiera egokienari saria, eta Durangaldeko Txaber Altube izan da Finalistarik Gazteena.
BBK Sariketako irabazleen zerrenda osoa:
Urtea | Irabazlea | Bigarrena | Bizkaiera egokiena | Finalistarik gazteena |
1993 | LEA ARTIBAI | DURANGALDEA | Haritz Lopategi | Joseba Goienola |
1994 | BUSTURIALDEA | DURANGALDEA | Haritz Lopategi | Onintza Enbeita |
1995 | BUSTURIALDEA | DURANGALDEA | Asier Legarreta | Anartz Aranguena |
1996 | LEA ARTIBAI | BUSTURIALDEA | Xabier Enbeita | Gorka Ostolaza |
1997 | LEA ARTIBAI | BILBOALDEA | Urtzi Urrutikoetxea | Xabier Paya |
1998 | LEA ARTIBAI | BILBOALDEA | Ibon Ajuriagojeaskoa | Xabier Paya |
1999 | IPAR URIBE | BILBOALDEA | Ander Ibarra | Oihana Bartra |
2000 | BUSTURIALDEA | LEA ARTIBAI | Eñaut Intxaurraga | Amaia Jauregizar |
2001 | LEA ARTIBAI | IPAR URIBE | Jon Rementeria | Miren Ibarluzea |
2002 | IPAR URIBE | BUSTURIALDEA | Iñaki Iturriotz | Ander Elortegi |
2003 | ARRATIA | BUSTURIALDEA | Miren Amuriza | Jurek Zienkiewic |
2004 | IPAR URIBE | ARRATIA | Oihana Bartra | Jurek Zienkiewic |
2005 | DURANGALDEA | ARRATIA | Oihana Bartra | Miren Amuriza |
2006 | DURANGALDEA | IPAR URIBE | Miren Amuriza | Jone Uria |
2007 | IPAR URIBE | BUSTURIALDEA | Eñaut Uruburu | Imanol Uria |
2008 | BILBOALDEA | IPAR URIBE | Amaia Uribe | Imanol Uria |
2009 | IPAR URIBE | LEA ARTIBAI | Xabier Iturraspe | Josune Aramendi |
2010 | LEA ARTIBAI | IPAR URIBE | Aitor Arruti | Josune Aramendi |
2011 | IPAR URIBE | LEA ARTIBAI | Illart Gumuzio | Aissa Intxausti |
Erantzun
Erantzuteko, izena emanda egon behar duzu. Sartu komunitatera!