Vahan Sarkisian ohorezko euskaltzaina hil da

| Ikusi handiago | Argazki originala

Vahan Sarkisian ohorezko euskaltzaina 55 urtegaz hil da bihotzekoak jota. Sarkisian urtarrilaren 21ean hil zan.

Vahan Sarkisian Erevanen (Armenian) sortu zan, 1954ko martiaren 12an. Filologia Zientzietan doktorea zan. Erevanen, Estaduko Unibersidadean, irakaslea zan, bai eta Filologia Erromaniko Katedraren zuzendaria be. Armeniera-euskerea Estudioen Saileko sortzaile eta irakaslea zan Sarkisian eta Araxes izeneko Armeniera-euskerea nazinoarteko aldizkariaren sortzaile eta zuzendaria.

International Linguistic Academy alkargoko zuzendaria zan eta Asociación Internacional de Hispanistas dalakoaren kidea. Euskal Herriaren eta Armeniarren arteko lotura kultural eta linguistikoak aztertzearen eta sakontzearen aldeko zan. Euskal kulturaz klaseak emoten zituan Unibersidadean eta, azken urteotan, euskera ikastaroak be bai.

Fontes Linguae Vasconum aldizkarian sarri idatzi eban. Horrezaz gan, artikulu ugari argitaratu zituan Armeniako, Errusiako, Argentinako eta Frantziako hainbat aldizkaritan.

2002ko zemendiaren 29an, Euskaltzaindiak ohorezko euskaltzain izentau eban.

Argitaratutako lan nagusiak:

- Elementos armenios de origen vasco. 1990
- El enigma del origen de los vascos y la meseta de Armenia (el problema de las relaciones armenio-vascas en las fuentes vascológicas y armenológicas). 2000
- Etymological dictionary of the Russian language (an internal reconstruction). 1998
- Euskal gramatika laburra. 2000
- Euskara-Armeniera hiztegia. 2001
- Los orígenes del topónimo Djavaxkh. 1999
- Euskal esaera zaharrak. 1998
- The Urartean civilization and the problem of the original homeland of basques. 1998
- Orígenes de la escritura armenia. 1999
- Itinerarios: Los peregrinos armenios en Europa. 1999

Itzulpenak:

- Linguae Vasconum Primitiae, Bernard Etxepare. Armeniera-Euskara (1998, 2001)
- Peru Abarka, Juan Antonio Mogel. Armenieraz (2002)
- Antología de poetas navarros actuales. Armenieraz (2000)
- Jose Mari Satrustegiren El rostro oculto de la muerte, gaztelerara itzuli du (1995)
- Tradiciones populares vascas Gaztelerara.