Zemendiaren 11n 'Enpresa eta euskara, sareak sortzen' jardunaldia egingo da Gasteizen

| Ikusi handiago | Argazki originala

Euskalitek eta Innobasquek alkarregaz antolatu daben Kalidade eta Bikaintasunaren Europar Astean hartuko dau parte Ziurtagiriaren Alkarteak eta, esangura horretan, zemendiaren 11rako 'Enpresa eta euskara, sareak sortzen' izenburupean jardunaldia antolatu dau Gasteizen. Aitatu Europar Astearen asmoa kontuan izanik, jardunaldion helburua izango da partaideek euskerea euren organizazinoko informazino eta komunikazino teknologietan txertatzen ikastea eta ikaskuntza horretan modu aktiboan parte hartzea.

'Enpresa eta euskara, sareak sortzen' jardunaldia

- Eguna: zemendiak 11.
- Lekua: BIBAT museoa. Aiztogile (Kutxi) kalea, 51. Gasteiz.
- Hizkuntza: Euskara
- Izena emotea: komunikazioa@baieuskarari.org helbidera idatziz edota 619909882 telefonora deituz
- Jarraipena: twitter.com/baieuskarari edo #enpresarean etiketeagaz.
- Kostua: doban

Egitaraua: 9:30etik 13:30era

o 9:30 — 10:00: Rober Gutiérrez (Ziurtagiriaren Elkartearen zuzendaria). Bai Euskarari Ziurtagiriaren webgunea eta jardunaldiak aurkeztuko ditu.
o 10:00 — 10:45: Eneko Astigarraga (Codesyntax enpresako gerentea da eta Deustuko Unibersidadeko irakaslea Ekonomia eta Enpresen Zientzien Fakultadean. Horrezaz gan, Euskadiko Software Libreko Enpresen alkarteko zuzendaritzako kidea da).
 10:00 — 10:30. Euskera, enpresa eta sarearen inguruko informazino orokorra emongo dau: euskeraz lan egin ahal izateko zein erreminta dagozan azalduko dau; enpresaren kanpora nahiz barrura begirako jardunean erreminta horreek egoki erabilten dituen zenbait adibide emongo ditu; eta azkenik, adibide horreek estrapolatuz eta ondorioak atarata euskerea, lan-mundua eta sarea zelan buztartu daitekezan azalduko dau.
 10:30 — 10:45 Galde-erantzunak
o 10:45 — 11:30: Jabi Asurmendi (Bitarlan enpresako gerentea da, Berria egunkariaren Zibergela informatika atala eta blogaren idazlea eta Informatika irakaslea Lanbide Heziketa eta Bigarren hezkuntza institutu publikoetan. Horrezaz gan, Euskadiko Software Libreko Enpresen Alkarteko zuzendaritzako kidea da).
 10:45 — 11:15 Euskeraz lan egin nahi daben enpresen alkarlana eta sarelana taldea Facebook-en.
 11:15 — 11:30 Galde-erantzunak.
o 11:30 — 12:00 Etena.
o 12:00 — 13:30: Funky Projects.
 Dinamika parte-hartzailea eroango dabe aurrera 'Dibertsioa eta euskerea lan munduan' gaitzat hartuta.
o 13:30 Rober Gutiérrezek jardunaldia zarratuko dau.