Eroski Taldeak Espainiako Estaduko Egoera Eleaniaztunaren II. Sustapen Saria jasoko dau Madrilen

Eusko Jaurlaritzeak, Kataluniako Generalitatek, Galiziako Xuntak eta Balear Ugarteetako Governek Espainiako Estaduko Egoera Eleaniaztunaren II. Sustapen Saria emongo deutsie gaur, hilak 30, Eroski Taldeari, Madrilgo Arte Ederren Alkartean, Eusko Jaurlaritzako Kultura Saileko iturriek jakinarazo dabenez.

Ekitaldian parte hartuko dabe Blanca Urgell Eusko Jaurlaritzako Kultura sailburuak, Bernat Joan Kataluniako Generalitateko Hizkuntza Politikarako idazkariak, Anxo Lorenzo Galiziako Xuntako Hizkuntza Politikarako idazkari nagusiak eta Margalida Tous Balear Ugarteetako Governeko Hizkuntza Politikarako idazkari nagusiak.

Sari horren bidez, Eroskiri autortu nahi deutsie Estaduko lau hizkuntza ofizialak txertatzeko 1970etik hona bideratu dauen merkataritza-politikea. Eroski Taldeko presidentea dan Constan Dacostak jasoko dau saria.

Sariaren helburua da Estaduko eleaniztasuna sustatzeko eta eguneroko zereginetan txertatzeko orduan pertsona, erakunde edota enpresek egindako bideari autorpena emotea. Ekimen hau aitatu lau gobernuek hizkuntza-politikeari buruz sinatutako hitzarmen orokorraren barruan dago.

Oscar Lopez kazetaria eta telebistako aurkezlea izango da ekitaldiaren aurkezlea. Saioa arratsaldeko 19:00etan hasiko da eta Madrilgo Arte Ederren Alkarteko Maria Zambrano aretoan izango da.