Ipar Uribek eta Lea Artibaik jokatuko dabe Bertsolari Gazteen BBK Sariketearen finala

Bizkaie! 2010-03-17 17:36 Bertsolaritzea

Amaitu dira sailkapen-faseko saioak eta finalaurrekoak, atzo eta gaur egin diran saio biekaz eta finalerako sailkatuta geratu diran talde biak Ipar Uribe eta Lea Artibai izan dira. Beraz, aurten, sariketa honen finalistak igazko berberak izango dira.

Atzoko finalaurrekoa Derion egin zan, Ipar-Uribeko eta Busturialdeko taldeen artean eta gaurkoa, barriz, Zallan, lehenengoz, Lea-Artibai eta Bilboaldearen artean.

Derioko saioa Txorierri institutuan egin zan, bertako 150 bat ikasleren aurrean eta ondokoak izan ziran kantau eben bertsolari gazteak:

	IPAR URIBE	BUSTURIALDEA
18 urte arte	Inazio Vidal Peio Arondo Imanol Uria	Nagore Beitia Maria Gorriño Jone Larrinaga
19-24 urte bitartean	Beñat Vidal Peru Vidal Itsaso Paya	Aitor Beitia Mikel Goiriena Ander Elortegi

eta honeek lortutako puntuazinoak:

	IPAR URIBE	BUSTURIALDEA
18 urte arte	149	148
19-24 urte	228	221
Danetara	377	369

Gaur, barriz, hilak 17, Zallako kultur etxean izan da finalaurreko azken saioa. Hauxe da sariketa honen barruan Enkarterrian egiten dan lehen saioa eta bertan izan dira Lea-Artibai eta Bilboaldeko taldeak, 100 bat ikusleren aurrean. Hona hemen kantau daben bertsolariak eta lortutako puntuazinoak:

LEA ARTIBAI

BILBOALDEA

18 urte arte

Nerea Ibarzabal
Josune Aramendi
Elene Lejarzegi

Olatz Ipiña
Pello Molinuevo
Pello Ormazabal

19-24 urte

bitartean

Xabat Galletebeitia
Eneko Arrate
Xabier Iturraspe

Arkaitz Zipitria
Iker Uribarren
Irati Erkizia

	LEA ARTIBAI	BILBOALDEA
18 urte arte	161	182
19-24 urte	249	213
Danetara	410	395

Beraz final handia, datorren asteko barikuan, hilaren 26an, egingo da Bilboko Kafe Antzokian, arratsaldeko zazpietan, sarrerea dobakoa izango dalarik.

Ikusi argazki guztiak handiago