Batxilergoan eta Lanbide Heziketan euskerazko ikasketak sustatzeko kanpainea jarriko dabe martxan Bizkaiko 39 udalerrik

| Ikusi handiago | Argazki originala

Bizkaiko 39 udalerritako 6.000 gaztek Batxilergoko eta Lanbide Heziketako ikasketak euskeraz jarraitzeko aukereari buruzko informazinoa jasoko dabe 'Nahi dudalako!' izeneko ekimenari esker. Kanpainea Alkarbide bilguneko kide diran hainbat udalek sustatu dabe.

Danetara, Bizkaiko 16 udalerrik eta hiru mankomunidadek parte hartuko dabe ekimenean, eta hartzaileak DBHko 4. mailan ikasten ari diran gazteak dira. Zehatz, ondokoak dira ekimen honetan parte hartuko daben erakundeak: Abanto-Zierbena, Alonsotegi, Arrigorriaga, Balmaseda, Berango, Bilbao, Enkarterriko Mankomunitatea, Erandio, Etxebarri, Getxo, Gordexola, Laukiz, Maruri-Jatabe, Muskiz, Ortuella, Txorierriko Mankomunidadea, Uribe Kostako Mankomunidadea, Zierbena eta Zornotza.

'Nahi dudalako!' da ekimenaren izenburua. Hartzaile nagusiak orain arte ikasketak euskaraz egin dituen gazteak dira, eta ondoko urteetan be euren ikasketak, Batxilergokoak zein Lanbide Heziketakoak, euskeraz egiten jarraitzeko informazinoa emotea da kanpainearen helburua.

Ekimenaren barri emoteko diptikoa banatuko jake gazteei. Diptiko horretan www.nahidudalako.com kanpainearen webgunearen barri emongo da eta gazteek Batxilergoa zein Lanbide Heziketea euskeraz egiteko daben eskaintzearen barri jasoko dabe.