Estitxu Arozenak Nafarroako Bertsolari Txapelketako finalaurrekoetan kantauko dau

| Ikusi handiago | Argazki originala

Garesen jokatu zan pasa dan zapatuan, Nafarroako Bertsolari Txapelketako lehenengo faseko azken saioa, finalaurrekoen atarikoa, hain zuzen be, eta kopla barik Estitxu Arozena izan zan nagusi, bi aldiz Nafarroako txapelduna izandakoa, hiru urteko atsedenaldi baten ostean barriro itzuli dana. Kontuak kontu, finalaurrekoetan kantetako txartela eskuratu dau 1975. urtean jaiotako bertsolari lesakarrak. Hamasei urtegaz plazetarako pausua emon eban eta ordutik, hamalau aldiz parte hartu dau Nafarroako Txapelketan, 1995 eta 1998an txapela lortuz. Lau Txapelketa Nagusitan be ibilitako bertsolaria da.

Eneko Lazkoz etxarriarra, iaz finalaren atarian gelditu zan bertsolariak, Gareseko saioan bigarren sailkatzea lortu eban lan ederra eginaz eta, era horretara, finalaurrekoetan kantetako txartela lortu dau.

Gareseko azken laurena. Sailkapena

1.- Estitxu Arozena Albizu (407 puntu)
2.- Eneko Lazkoz (386)
3.- Xabier Terreros (382)
4.- Jon Elizetxe (367.5)
5.- Alazne Untxalo (333)
6.- Ioar Tainta (318)

Igazko sailkapena kontuan hartuta, Julio Soto, Iñigo Olaetxea eta Jon Barberena zuzenean egongo dira finalaurrekoetan eta horreekaz batera, orain arte sailkatutako Arkaitz Goikoetxea, Xabier Legarreta 'Arano', Ander Fuentes 'Itturri' eta Estitxu Arozena.

Puntuen arabera sailkatuak, barriz, ondokoak dira: Juken Zelaieta, Oier Lakuntza, Eneko Lazkoz, Iñigo Ibarra, Xabier Terreros, Oskar Estanga, Iñaki Aleman, Jon Elizetxe, Aimar Karrika, Migel Mari Elosegi 'Luze' eta Saioa Alkaiza.

Azken-laurenak. Sailkapen nagusia

1.- Arkaitz Goikoetxea Arriola: 427.5
2.- Xabier Legarreta 'Arano': 414.5
3.- Estitxu Arozena Albizu: 407
4.- Julen Zelaieta Iriarte: 401
5.- Oier Lakuntza: 389.5
6.- Eneko Lazkoz: 386
7.- Iñigo Ibarra: 385
8.- Xabier Terreros: 382
9.- Ander Fuentes 'Itturri': 380.5
10.- Oskar Estanga: 376
11.- Iñaki Aleman: 375
12.- Jon Elizetxe: 367.5
13.- Aimar Karrika: 365
14.- Migel Mari Elosegi 'Luze': 363.5
15.- Saioa Alkaiza: 362.5
16.- Aritz Saragueta: 357
17.- Jose Luis Barberia 'Zili': 354
18.- Bittor Elizagoien: 353.5
19.- Diego Riaño: 350
20.- Iker Gorosterrazu: 341.5
21.- Ekaitz Astiz: 334
22.- Alazne Untxalo: 333
23.- Egoitz Gorosterrazu: 330.5
24.- Ioar Tainta: 318

Zezeilaren 20tik aurrera, hiru finalaurreko jokatuko dira:

- Zezeilaren 20an, Etxarri Aranazko Kultur Etxean, 17:30ean, Julio Soto, Ander Fuentes 'Itturri', Estitxu Arozena, Xabier Terreros, Oskar Estanga eta Saioa Alkaiza.

- Zezeilaren 27an, Iruritako Gizarte Bilgunean, 17:30ean, Iñigo Olaetxea, Xabier Legarreta 'Arano', Julen Zelaieta, Iñigo Ibarra, Iñaki Aleman eta Migel Mari Elosegi 'Luze'.

- Martiaren 7an, Atarrabiako Indurain Anaiak kiroldegian, 17:30ean, Jon Barberena, Arkaitz Goikoetxea, Oier Lakuntza, Eneko Lazkoz, Jon Elizetxe eta Aimar Karrika.

Saio bakotxeko lehenengoa zuzenean finalera pasauko da eta ganerako bostak puntuazinoaren arabera.