Elekak ItzulpenFlow izeneko zerbitzua jarri dau martxan

| Ikusi handiago | Argazki originala

Eleka Ingeniaritza Linguistikoa enpreseak ItzulpenFlow aplikazinoa garatu dau. Aplikazino hau itzulpen-zerbitzuei, itzulpengintzako mikroenpresei eta freelancei zuzenduta dago.

ItzulpenFlow itzulpen-prozesuko lan-fluxu osoa kudeatzen dauen aplikazinoa da. Mikroenpresa eta freelance-ei zuzenduta dago, nahiz eta enpresa txiki eta ertainek be erabili leikien. ItzulpenFlow tresnearen bidez, lan-eskaerea jasoten danetik emoitzea bialtzen danera arteko ataza guztiak kudeatu ahal izango ditu erabiltzaileak, eta gainbegiratu bategaz itzulpen-prozesu osoa zein egoeratan dagoan ikusi ahal izango dau: bezeroen zerrendea, aurrekontuak sortzea, epeak, hitz kopuruak..., hau, lan-fluxuaren egoera osoa.

ItzulpenFlow web zerbitzua da. Beraz, web nabigatzailea nahikoa da guztia kudeatu ahal izateko, norberaren ordenagailuan ezer instalau beharrik barik.