Ipar Uribe eta Lea Artibairen arteko lehia gaur Bilbon

Bertsolari Gazteen XVII. BBK Sariketako finala gaur, hilak 27, arratsaldeko 19:00etan jokatuko da Bilboko Kafe Antzokian. Sarrerea dobanekoa izango da.

1) Sariketearen arauak

• Taldeka: talde bakotxa Bizkaiko eskualde baten ordezkari sei partaidegaz.

• Edade maila bi:

A maila: 18 urtera arte (1990ean jaioak barruan).
B maila: 19-24 urte bitartean (1984an jaioak barruan).

• Parte hartu daben taldeak

Arratia, Bilboaldea, Busturialdea, Durangaldea, Ipar Uribe, Lea-Artibai eta Enkarterri. Aurtengo nobedadea izan da Enkarterriko taldearen parte hartzea lehenengoz.

• Sariak

- Talde txapelduna .................................. 1.260 € (6 x 210 € ).
- Talde azpitxapelduna ............................... 900 € (6 x 150 €).
- Bizkaiera egokiena ................................. 140 €
- Finalistarik gazteena.................................. 70 €

2) Talde teknikoa

• Epaimahaia: Arkaitz Estiballes, Juanjo Respaldiza eta Gorka Intxaurbe.
• Aurkezlea: Bernardo Mandaluniz.
• Antolatzaileak: Bizkaiko Bertsozale Elkartea, Bizkaiko Ikastolen Elkartea eta BBK.

3) Sailkapena

Finalera heltzeko, sailkapen-saioak eta finalaurrekoak jokatu dira. Sailkapen-saioetan, Busturialdea, Durangaldea eta Enkarterriko taldeak kanporatuak geratu ziran.

Finalaurreko saioak joan dan astean egin ziran, Bilboalde-Lea Artibai eta Ipar Uribe-Arratia saioen bitartez eta aurrera egin eben taldeak finala jokatuko daben Ipar Uribe eta Lea Artibai izan dira.

Aurtengo edizinoan barrikuntza bi izan dira, saio guztiak eliminatorioak izatea eta lehen aldiz Enkarterriko taldeak parte hartzea.

4) Finalistak

Lea Artibaiko taldea sariketa honen 17 edizinoetan egon da eta bera izan zan lehen irabazlea orain dala 16 urte. Ordutik beste 4 alditan irabazi dau sariketa hau eta berau da lehen posturik gehien dauena, nahiz eta azken 7 urteotan ez dan finalean izan. Aurten talde barrituagaz dator eta ez litzateke sorpresea izango barriro irabaziko balebe. Taldeko partaideak Markina, Ondarroa, Lekeitio eta Berriatukoak izaten dira.

Ipar Uribeko taldearen oinarria Algortako Bertso Eskolea izaten da eta 4 aldiz irabazi dau sariketea eta beste hirutan bigarren geratu izan da. Aurten 11garrenez hartuko dau parte. Beraz, agirian dago azken urteotako talderik indartsuena izan dala eta aurten be kontuan izatekoa.

5) Parte-hartzaileak

Nahiz eta bihar arte ezin dan jakin ziurtasun osoz zeintzuk izango diran partaideak, orain arte ikusitakoan oinarrituz, ondokoak izan daitekez:

6) Aurreko urteetako irabazleen zerrendea

Ikusi argazki guztiak handiago