Jaurlaritzeak 'ontzat' emon dau euskera gaietarako Euskerearen Erakunde Publikoagaz daukan hitzarmena

Eusko Jaurlaritzako Gobernu Batzordeak ontzat emon dau gaur euskerearen ganeko hizkuntza-politikako gaietan mugaz bestaldeko lankidetzea garatzeko eta erakunde mailako hartu-emon iraunkorrak ezartzeko eta garatzeko Eusko Jaurlaritzako Kultura Sailaren Hizkuntza Politikarako Sailburuordetzearen eta Ipar Euskal Herriko Euskerearen Erakunde Publikoaren 2009. urteari jagokon alkarlanerako hitzarmena.

Ipar Euskal Herriko Euskerearen Erakunde Publikoa hizkuntz politikarako gaietarako erakunde publikoa da eta Estadu frantsesak, Akitania Eskualdeko Kontseiluak, Pirinio Atlantikoetako Kontseilu Nagusiak, Baiona-Angelu-Miarritze Elkargoak, Euskal Herriko Hautetsien Kontseiluak eta Euskal Kulturearen Aldeko Herrien Arteko Elkargoak osotzen dabe.

Eusko Jaurlaritzearen Kultura Sailak eta Ipar Euskal Herriko Euskerearen Erakunde Publikoak Ipar Euskal Herrian euskerearen bizibarritzea helburu dauen hizkuntza-politikako gaietan mugez bestaldeko lankidetzea eta erakunde mailako hartu-emon iraunkorrak ezartzeko eta garatzeko alkarlan hitzarmena sinatu eben 2007ko zezeilaren 7an.

Erakunde bien arteko hitzarmenean jasotakoaren arabera (2007-2010 urteetarako alkarlanerako marko eta erreferentzia nagusia izanik), urtero sinatuko da alde bien arteko alkarlanerako eranskina. Hori aintzat hartuta, 2009ko eranskinean, atal nagusi bi aurreikusi dira: Hizkuntza Politikarako Sailburuordetzearen eta Euskerearen Erakunde Publikoaren arteko ekimenak eta Eusko Jaurlaritzearen eta Euskerearen Erakunde Publikoaren sustapen-lerroak, Ipar Euskal Herriko eragileei jagokenez.

Hizkuntza Politikarako Sailburuordetzearen eta Euskerearen Erakunde Publikoaren arteko ekimenak dirala eta, honako honeek aurreikusi dira 2009ko eranskinean: jarraipen eta ebaluaketa adierazle komunen zehaztapena eta antolaketea; helduen euskalduntze-alfabetatzearen esparruan, hizkuntza-gaitasunaren mugaz bi aldeetako egiaztagirien baliokidetzearen definizinoa eta antolaketea; Hizkuntza Politikarako Sailburuordetzearen eta Euskerearen Erakunde Publikoaren zerbitzuen artean informazinoa trukatzea terminologia eta toponimia gaien inguruan.

Bestetik, Ipar Euskal Herriko eragileentzako Hizkuntza Politikarako Sailburuordetzearen eta Euskerearen Erakunde Publikoaren sustapen-lerroak dirala eta, Ipar Euskal Herriko hainbat eragile pribaduren lana finantzatzeko, alde bien arteko ekarpenez hornidutako lankidetzarako funtsa garatzea be aurreikusi da, eta horren barruan Eusko Jaurlaritzeak 470.000 euro erabiliko ditu euskerea sustatzeko.