'GAZteak', gazteei zuzenduriko aldizkari barria Getxon

Getxoko Udalak 'GAZteak' izenburuko gazteei zuzenduriko hilabetekari barria kaleratzen hasi da. 'Zabaldutako informazinoa herritarrentzat gogokoagoa izatea helburu dauen kanpo komunikazinorako plangintzan jasotako ekintzea gauzatu gura dogu aldizkari honegaz', adierazo dau Komunikazino Arloko zinegotzi Josu Loroñok.

Diseinu barriagaz, irudiak eta argazkiak nagusi dirala, 'GAZteak' aldizkariak bide barria hasi dau, irakurleakaz bat datorren idazteko estilo barria lantzeagaz batera.

Aldizkari barria 'GetxoBerri' programearen barruan sartuta banatuko da eta udalerri osoko etxeetako postontzietan itxiko da, 'udal informazinoa auzotarrentzat eskuragarriago bihurtzeko helburua betez eta, baita, hilean 30.000 alegaz, ahalik eta irakurle kopuru handienera helduz', zehaztu dau Josu Loroñok.

Informazino aldizkari barriaren aurrekontua 3.789,93 eurokoa da eta Getxoko Udaletik eta euskal enpresa garrantzitsuenakaz sinatutako hitzarmenetatik etorriko da.