Oihana Bartrak irabazi dau Muskizen txapelketako hirugarren kanporaketea

| Ikusi handiago | Argazki originala

Muskizeko Meatzari aretoan, 220 bertsozaleren aurrean kanporaketea irabazi eta zuzenean sailkatu da bilbotarra Bizkaiko Bertsolari Txapelketako finalaurrekoetarako.

Ondokoa izan da sailkapena Bizkaiko Bertsolari Txapelketako hirugarren kanporaketan:

1.- Oihana Bartra 402,5
2.- Jabier Olibares 371,5
3.- Mikel Petuya 349
4.- Peru Vidal 348
5.- Ander Salaberria 331,5
6.- Julen Erezuma 324,5

Kanporaketako bertsolariek txapelketako irudia daukien taza parea eroan dabe oroigarri. Iñaki Palacios, Muskizeko Udaleko euskara zinegotziak, emon deutse bertsolariei oroigarria.

Puntuka orain arteko sailkapena

Zuzenean finalaurrekoetara sailkatuta: Eneko Abasolo 'Abarkas', Igor Elorza eta Oihana Bartra.

Eñaut Intxaurraga 380,5
Jabier Olibares 371,5
Arrate Illaro 369,5
Eñaut Uruburu 367
Xabier Enbeita 365,5
Garikoitz Sarriugarte 364
Iker Belaustegi 361,5
Iñaki Iturriotz 359
Mikel Petuya 349
Peru Vidal 348
Itsaso Paia 345
Olatz Ibarluzea 342, 5
Xabat Galletebeitia 338,5
Ander Salaberria 331,5
Julen Erezuma 324,5

Hurrengo kanporaketea

Larrabetzun, zemendiaren 2an, domekan izango da, arratsaldeko 17:30ean.

Bertsolariak: Lander Ibarluzea, Miren Amuriza, Joseba Artza, Jone Uria, Gorka Estolaza eta Arkaitz Zipitria.

'Bota Tragoa' bazkidetza kanpainea abian

Bizkaiko Bertsozale Alkarteak 'Egin zaitez bazkide, bota tragoa!' konbideta egiten deutse saioetara hurreratzen diran bertsozaleei. Eta horretarako, Bizkaiko Txakolina alkartearen laguntzinoa dauka, bazkide barriak txakolin botilak opari izango ditu-eta.

Euskal kulturgintzearen alde jarduteko modua eskaintzen jako Bertsozale Alkarteko bazkide egiten danari eta gainera hainbat onura eskuratzen ditu urtean 40 euro kuota ordainduta. Dana dala, txapelketan zehar bazkide egiten danak, ez dau 2008ko kuotarik pagau beharko.

Bazkide eginez onurak:

*Txapelketetako sarreretan beherapenak:

— Bizkaikoa bi urterik behin.
— Euskal Herrikoa 2009an.
— Nafarroan eta Araban urtero.
— Iparraldean, aurten, lehenengoz.
— Gipuzkoan, lau urterik behin.

*Bertso Eguna

— Sarrerea merkeago.
— Erreserbetarako lehentasuna.

*Berripapera

Bertsozale Alkarteari buruzko albisteak hilero etxean.

*Argitalpenak

Prezio berezian.

*Bapatean

Urteko bertso onenen antologia liburua opari.